杏MAP导航

R.SH. - Vatikan

Është festë. Sheshi i Shën Pjetrit është plot me entuziazmin e njëqind mijë njerëzve: shtegtarë, turistë, banorë të Romës të të gjitha moshave dynden atje ku tri ditë më parë bota dëgjoi njoftimin e Papës së ri, i cili sot e përsërit atë nga lozha qendrore e Bazilikës duke shqiptuar, me gëzim, Regina Coeli-n e tij të parë.

Dashuria e shprehur nga Pasardhësi i Pjetrit, e madhe dhe e qartë, u drejtohet edhe qindra njerëzve të mbledhur në kryeqytet për Jubileun e Bandave Muzikore dhe Shfaqjeve Popullore. Gjithçka është mozaik ngjyrash me muzikë shëtitëse, i cili që në orët para të mesditës derdhej në Via della Conciliazione pas Meshës së kremtuar në Piazza Cavour. Një koreografi tepër e suksesshme, e cila përhapte bukuri dhe gëzim. Përshtypja është ajo e një pëlhure gjeografike shumëkulturore, në të cilën ndërthuren sheshet e mijëra fshatrave, ku besimi popullor është ende i gjallë dhe lidhjet e përbashkëta i rezistojnë individualizmit.

Sheshi i Shën Pjetrit me 100 mijë njerëz   (@Vatican Media)

Është Krishti, që e udhëheq Kishën

Është e Diela e Bariut të Mirë, ajo në të cilën liturgjia shpall gjithmonë Ungjillin e Gjonit, në kapitullin 10, ku Jezusi, siç kujtoi Leoni XIV në fillim të homelisë, 鈥渮bulohet si Bariu i vërtetë, që i njeh dhe i do delet e veta dhe jep jetën për to鈥�. Një rastësi, ajo e fillimit të shërbimit të tij si Ipeshkëv i Romës pikërisht në këtë përvjetor, të cilin Papa e mirëpret si dhuratë. Dita Botërore e Lutjes për Thirrjet, që festohet sot, është arsye për gëzim e lutje të mëtejshme. Siç bëri në homelinë e Meshës me kardinalët, një ditë pas zgjedhjes, shikimi i Papës ngulet tek Krishti:

Është Ai që e udhëheq Kishën me Shpirtin e Tij të Shenjtë.

Të rinjtë gjejnë pranim dhe modele të besueshme për t'u ndjekur

Leoni XIV citon Papën Shën Gregori i Madh dhe një nga predikimet e tij në të cilin vë në dukje përkimin e popullit të Perëndisë, me dashurinë e atyre që e duan. Papa Augustinian, lutja e të cilit nuk shkëputet kurrë nga ajo e popullit të Zotit, është për thirrjet, "veçanërisht ato të meshtarisë dhe të jetës rregulltare":

Kisha ka shumë nevojë për këtë! Dhe është e rëndësishme që të rinjtë e të rejat të gjejnë, në bashkësitë tona, mirëseardhje, dëgjim, inkurajim në udhën e tyre profesionale dhe mbështetje në modele të besueshme të përkushtimit bujar ndaj Zotit dhe vëllezërve të tyre.

  (@Vatican Media)

Kërkesa për barinj sipas "zemrës së Zotit"

Leoni XIV nuk mund të mos kujtojë Mesazhin e Papës Françesku, i cili përqendrohet në mikpritjen dhe shoqërimin e të rinjve. E është frymë uniteti me të cilën Papa i sapozgjedhur i larton lutjen e vet Zotit për këtë ditë. Ajo që del në pah nuk është aq shumë vëmendja ndaj numrave, por më tepër dëshira që vreshti i Zotit të frymëzohet nga dishepuj të mirëfilltë, meshkuj e femra:

T鈥檌 lutemi Atit qiellor që të jemi për njëri-tjetrin, secili në bazë të gjendjes, barinj 鈥渟ipas zemrës së tij鈥� e, të aftë për ta ndihmuar njëri-tjetrin, të ecim në dashuri e vërtetësi. E të rinjve u them: 鈥淢os kini frikë! Pranojeni ftesën e Kishës dhe të Krishtit Zot!鈥�.

Virgjëra Mari, jeta e së cilës ishte  përgjigje ndaj thirrjes së Zotit, ju shoqëroftë gjithnjë në ndjekjen e Jezusit.

  (@Vatican Media)