杏MAP导航

Albys KBD, CP 鈥� Kinshasa/RDC

Molulu moye moningisi bakristo baiké ya dosezi ya Goma mpe province ecclesiastiki mobimba ya Bukavu mpamba te, kasi mpe badiosezi ya nzinga nzinga ya Rwanda, mingi mpenza, batindami bayaki na Roma. Bandeko mangomba bisusu mpe esanganaki wana, mingi mpenza, Eglise du Christ au Congo. Esangisaki baninga babango ya eyamba tùkù motobà na minei (64 Confession). Bakonzi ba mboka mpe bazalaki wana, batangi mpe batindami ya batomboki ya AFC/M23, oyo bazali naino na bingumba biye bàbalé, Bukavu mpe Goma, mpe bisika binso bya pembeni.  Bandimi banso balakisaki esengo mpe lokùmu ya bango mpo ya koyamba mwa-esengo moye mwa sika. Na libandela ya mateya mayé, Mgr Fulgence Muteba alobaki 鈥榯e: «Nzambe asili kopesa lokumu na Eklezia ezali awa, mpamba te akotatola 鈥榯e mosàlà Mwana wa yé ayaki kobanda na mokili moyé, mozali mosàlà mwa sembo mpe ya solo, oyo ekoki kopesa yé basantu». Ayambaki 鈥渕ilolo鈥� mya bato bazalaki wana.

Koluka bosantu bisika ozwami

Mgr Muteba alobaki 鈥榯e: «boluboli boye bwa mwa-esengo ezali na ntina mingi», mpe ekomonisa polele 鈥榯e ezali elembo ya liboso ekolakisa bomoko bwa eklezya na mokili mobimba mpe elakisi lisusu 鈥榯e, eklezya ekobyanga bato banso na kozala basantu. Ezali lokola 鈥榯e Nzambe azali kolobela biso : Bino mpe bokoki kokoma basantu鈥� Bosengeli tè na kotika bomoi bwa bino mpo bozuwa y abato basusu, mpo ya kokoma mosantu, elobaki mokambi ya CENCO. A kanisi na bato lisusu 鈥榯e, moto nà moto asengeli na bosantu na bomoi bwa yé. Alobi boye: Ezali n antina tè ya kolongwa libotà lya yo, mpo ya kokende na monastele mpo ya kokoma mosantu. Apesi ndakisa ya 鈥�Bwana Chui oyo azalaki mokristo mpamba lokola bango mpe o kati ya bango鈥�. Floribert atikeli biso elembo monene ya bosantu o kati ya bomoi ya mokolo mozali koleka.

Elenge mobali moye, ayei kofungola biso miso na maye matali bizaleli ya mabé.

Episkopo monene ya Lubumbashi amonisaki mpe ntina ya Bwana Chui mpo na bato ya Congo. 鈥淏omartiro bwa yé mpo ya bosolo mpe ya bosembo, ezali kitala-tala mpo na biso, liboso ya kanyaka oyo ezali kobebisa ekolo yabiso鈥�, elobaki ye. 鈥淓zali lisusu kaka likambo ya kanyaka te, kasi ya kokosa... kobuba mpe kokotisa na ndenge ya mabe biloko ya bato鈥�, elobaki episkopo. Sik鈥檃wa tokomi lokola bato batondi na bizaleli ya mabe. Mgr Muteba alobi 鈥榯e. Nzambe atomboli Bwana Chui mpo te tozwa ya yé ndakisa. Elenge mobali oyo afungoli biso miso. Soki tozwi libakù liye te, tokoki komata mpe tokiti, mboka na biso ekotelema lisusu te. Soko tozwi libaku oyo te, tokoki komata mpe kokita, mboka oyo ekoki kotelema lisusu te. 鈥淓zali solo 鈥榯e Floribert azwaki makasi nà litatoli ya mateya ya bokristo bwa yé, kasi mateya oyo azwaki epai ya baboti na ye ezali mpe na ntina鈥�, elobaki episkopo. Atindaki bapetela mpe mama moboti ya mwa-esengo mwa sika, maboko na esengo.

Basantu bazali bato ya kokamwa te kasi bato oyo bazalaki na bomoi ya kokamwa

Na likanisi moko wana, na nsuka ya molulu, episkopo Willy Ngumbi, mokambi ya esika enà, alobelaki bomoi bwa Bwana Chui, mpe atyaki yango na esika ya eklezia ya Goma, lokola mpo na kolakisa na bandimi oyo bazalaki wana 鈥榯e 鈥渂asantu bazali bato ya kokamwa te, kasi bato oyo bazalaki na bomoi ya kokamwa liboso ya ezalela moko ya siki-siki鈥�.

Bwana Chui avandaki kati na biso. Elenge mobali moko mokristu ya mibu 26, azalaki, monzemba mpe mosali ya Leta, alobaki 鈥榯e, banda kala, Eklezia epesaki lokumu te na bato semba to na bato oyo bazali na bisika ya lokumu kati na yango to na kati na lisanga ya bato. Kasi eklezya epesaka lokùmu na bandimi oyo bamonisaki bizaleli malamu, ndakisa oyo ebongi 鈥榯e bato banso bámemya yango鈥�.

Bwana Chui, elembo ya kotelemela kanyaka oyo ezali bebisa lisàngà ya bato

Kobandisama ya losambo mpo ya elenge mwa-esengo eye, ezali libyangi ya elikia mpo na bandimi ya Goma, ya Congo, ya etuka ya bitima menene mpe ya Afrika mobimba. Episkopo ya Goma abengaki bandimi ba yé 鈥渂alemba te kosàla bolamu鈥�.

Azwaki mpe libaku lina mpo na kolakisa 鈥渂omoko makasi ya baeklezya鈥� ya etuka éna. Atako matata ezali kati na bikolo na bango, apesaki mbote na batindami banene ya Eklezia ya Rwanda, oyo ekambamaki na Mokambi ya Lisàngà ya ba Episkopo ya Rwanda yemei. 鈥�Bomoi bwa Bwana Chui ezali litatoli ya seko ya tango inso, oyo Krito atikaki: kondima kokufa mpo na kozala na bomoi na Nzambe鈥�. Mgr Ngumbi asengi bandimi ba ye 鈥榯e balata ekeko ya mosantu ya sika lokola 鈥渆lembo ya kotelemela kanyaka oyo ezali kobebisa mboka鈥�. Asengaki bango bazala na bobangi te mpo na 鈥渒okoma na nzela oyo鈥� bamipesi 鈥渕oto na moto esika azwami鈥�, lokola Bwana Chui.

Bwana Chui, bolama bwa molimo mpo ya banso, akokesenisa mangomba té.

Epai mosusu, episkopo ya Goma abéngaki bandimi ba ye, bábanda kosambela Nzambe. Bo sakolá Bwana Chui na bandako na bino, na balopitalo na bino, na biteyelo na bino, na bakompanyi na bino, na baninga na bino, na mibali mpe basi na bino banso; ebetaki yen sete.  Mpe alobaki lisusu 鈥榯e 鈥淔loribert Bwana Chui azali bolamu ya molimo, kaka mpo na Bakatolike te kasi mpo na bato banso. Mpamba tè apesaki bomoi bwa ye mpo na kobatela bomoi ya bato banso鈥�. Balobeli likambo oyo na litatoli ya moto moko ya Lingomba ya Bamizilma oyo bakangaki ntango bazalaki kosolola na ntina na mwa-esengo mwa.

Diocèse epesi matondi na baye banso basalisaki mpo ete likambo oyo esalema

Epai mosusu, Mgr Willy Ngumbi, mokambi ya esika yango, apesaki matondi na baye banso bautaki mosika mpo na kosangana na molulu moye, mingimingi batindami bautaki na Roma. Lisangá yango ezalaki na Tata Angelo Romano, oyo atindamaki na Dicastele ya mpo ya basantu, mpe Francesco Tedeschi, momemi-nsango ya Sant鈥橢gidio mpo na Congo mpe moto alandaki likambo ya boluboli ya Floribert. Botondi mpe epesamaki na ba tindami ya ba diosezi ya pembeni, kaka mpo bayaki kosangana na esengo ya Eklezia ya Goma te, kasi lisusu mpe mpo na manso masalamaki mpo na kolobela mwa-esengo ya sika na ba eklezya na bango ya ba mboka. Prelat apesaki mpe matondi na Letà ya Congo mpe na batindami ya batomboki ya AFC/M23 mpo na kosalisa mpe kosunga bango na likambo oyo.

Matondi mingi na ndéngé otángi lisolo oyo. Soki olingi kozwa basàngo tango inso, mikomisa na mokanda na biso ya basàngo na kofina esika eye.