Кранальны момант: дзіця абняло Папу падчас аўдыенцыі
Марыя Валодзіна - Vatican News
7 чэрвеня 2025 года Папа сустрэўся з супрацоўнікам капелана карабінераў адной з рымскіх казарм Джавані Джордана і яго сям’ёй. У чаканні Святога Айца маленькі нястомны хлопчык, сын Джордана, бегаў па зале, не звяртаючы ўвагі на прысутных. Аднак пры з'яўленні Святога Айца адбылося нешта нечаканае. У той час як дарослыя паводзілі сябе стрымана, усхваляваныя ўрачыстасцю моманту, дзіця, не вагаючыся, кінулася да Папы, сціскаючы яго ў шчырых і спантанных абдымках. Леў XIV усміхнуўся і з пяшчотай адказаў на гэты нечаканы і глыбокі парыў чыстага дзіцячага сэрца.
Айцец Сільвестрыні нагадаў евангельскія словы Езуса: “Калі не навернецеся і не станеце як дзеці, не ўвойдзеце ў Валадарства Нябеснае” (Мц 18:3). У такіх выпадках Божы Провід паказвае: менавіта той, у каго душа чыстая і непасрэдная, здольны найбольш шчыра распазнаць дабрыню і бацькоўскую любоў Бога.
