ወግዓዊ ገጽ መርበብ ሓበሬታ ሥልጣነ ኣስተምህሮት ቅድስቲ መንበር ሓድሽ መርኣያ ኣቕሪቡ
ኣባ ተወልደ መብራህቱ - ሃገረ ቫቲካን
እቲ ትማሊ ሓሙስ ዕለት 29 ግንቦት እቲ ወግዓዊ ገጽ መርበብ ሓበሬታ ቅድስቲ መንበር ሓድሽ ስእላዊ ንድፊ ዝሰዓበ ኣፍሊጡ።
እቲ መርበብ ሓበሬታ ርእሰ ሊቃነ ጳጳሳት ከም ገጽ ሥልጣነ ኣስተምህሮት ቅድስቲ መንበር ንልቢ ካቶሊካዊት ቤተ-ክርስትያንን ናብ መላእ ዓለም ንምቕራብ ዘገልግል ገጽ ኢዩ።
ኣብዚ እዋን እዚ ንጹርን ብቐሊሉ ዚርከብን ግምግባር ተባሂሉ እተዳለወ ሓድሽ ገጽ ንበጻሕቲ ሓንጐፋይ ኢሉ እዩ ዝቕበል ኮይኑ ቀሪቡ ኣሎ፣ ኣንበብቲ ኣብቲ ብዛዕባ ርእሰ ሊቃነ ጳጳሳት ልዮን መበል 14ን ቅድሚኦም ዝነበሩ ኣርእሰተ ሊቃነ ጳጳሳትን ዚገልጽ ሰነድ ሥልጣነ ኣስተምህሮት ቅድስቲ ቤተ ክርስቲያን ብቐሊሉ ኺጓዓዙ ክድህስስዎ ዝኽእሉ ገጽ ኮይኑ ቀሪቡ ኣሎ።
እቲ ኣብቲ ወግዐዊ ገጻት ናይቲ መርበብ ሓበሬታ እተግብረ ምትዕርራይ ክፍሊ ናይቲ ካብ ውርሒ ታሕሳስ 1995 ኣትሒዙ፣ ብኢንተርነት ዝርከብ ሰፊሕ ታሪኻዊ ውርሻ ናይቲ መርበብ ሓበሬታ ናብ እተሓደሰ ወደብ ንምስግባር ተባሂሉ ኣብ እተፈላለየ ደረጃታት ውጥናት እተገብረ ሰፊሕ ውጥንን ዕቤትን ኢዩ።
ነዚ ገጻት እዚ ብቐሊሉ ስንዱእ ምእንቲ ክኸውን እተፈላለየ ክእለት ዘለዎም ጕጅለታት ብሓባር ዝጸዓሩሉን ብቐጻሊ ዝሰርሑሉ ዘለዉን ኢዩ።
ንውጥናት ናይ ዃን ካርሎስ ዮቶ (TMB) ዚበሃል ኣብ ፔሩቪያዊ ስነ ጥበባዊ ሰኣሊ ተምሃራይ ቀዳማይ ዙር ሥልጠና ናይቲ ምትሕልላፍ እምነት ኣብ ስልጡን ዓለም ቴክኖሎጂ ዝኾነ ዝሰርሖ ህያው ዝገብር ውን ኢዩ።
ስነጥበባዊ ዮቶ ኣብቲ መርበብ ሓበሬታ ናይዚ ላዕለዋይ ቤትጽሕፈት ኣብ ዝሃቦ መግለጺ እዚ ንድፊ ናይዚ ገጻት ሓበሬታ ከምዚ ብምባል ትመልክት -
"ንሕመረት ቤተ-ክርስትያን ኣብ ናይ ኤለክትሮኒካዊ ዓለም ክውክል ኣለዎ። ነቲ ወግዓዊ ገጻት መርበብ ሓበሬታ ቅድስቲ መንበር፣ ኬሐድሶ ኸም ዝሕሰብ ምስ ሰማዕኩ ንመጀመርታ ግዜ እየ ናብ ሓሳባተይ ዘእተኽዎ።”
"ነቲ መንፈስን ቅርጽን ናይቲ መርበብ ሓበሬታ ቅርዓት ቅዱስ ጴጥሮስ ዝሓዞ ቅርጻ ጃን ሎረንዞ በርኒኒ ብምትሕሓዝ ክፉት ኣእዳው ዘለቆ፣ ንዅሉ ሰብ ክሓቍፍ ዝኽእልን ኣብዚ ግዜና ንእትርከብ ቤተ-ክርስትያን ዝውክል ክኸውን ከም ዝለዎ ውን ሓሰብኹ” ይብል።
"ንጹርን ብቐሊሉ ዝርከብን ኮይኑ ነዛ ዘመናዊትን ቤተ-ክርስትያን ዝውክል ክኸውን ኣለዎ።”
"እቲ ሕብርታት ብሰማያዊ ዝሕብሩ ኮይኑ ነቲ ሮማውያን ዝኽደንዎ ዝነበሩ ዘመልክት ኢዩ፣ እዚ ኸኣ ምስቲ ምዉቕ ቃና ድምጺ ትራቨርቲን ኣጸቢቑ ዝነጻጸር ውን ኢዩ።
"ናይ መለኾት ወርቃዊ ነጸብራቕ ብርሃንን ጻዕዳ ነጸብራቕን ከምኡውን ነቲ ሰማያዊ ብርሃን ዘመልክት ኢዩ።”
"ንቤተ-ክርስትያን ህያውን ብቐጻሊ እትሰርሕን ንምምልካት ድማ ኣብ ገጽ እቲ መርበብ ሓበሬታ ዘሎ ዝዓበየን ክፍሊ ዝያዳ ምርኡይ ስእልታት ዘለዎ ኮይኑ ቀሪቡ ኣሎ።"
