Gaza,Makombora ya Israeli juu shule iliyokuwa inakaribisha wakimbizi
Na Roberta Barbi na Angella Rwezaula – Vatican.
Shambulio la hivi karibuni la jeshi la Israel dhidi ya shule ya Fahmi AlJarjaoui katika Jiji la Gaza, katika kitongoji cha Aldaraj katika mji wa Gaza, iliyokuwa makazi ya takriban watu mia moja waliokimbia makazi yao, 30 kati yao - wakiwemo baadhi ya watoto - waliuawa katika uvamizi huo ambao pia uliacha takriban sitini kujeruhiwa, limezua utata. Kuna wahanga wapatao 50 wa Kipalestina kwa jumla kutokana na mashambulizi ya Israel kwenye Ukanda huo katika muda wa saa 24 zilizopita, kulingana na makadirio ya mamlaka ya afya ya Gaza.
Waziri Mkuu wa Australia: hali isiyokubalika
Wakati huo huo, licha ya mtiririko mdogo wa misaada ya kibinadamu kwa watu kuanza tena, hali ya idadi ya watu wa Ukanda huo bado ni ya kushangaza. Waziri Mkuu wa Australia Anthony Albanese alilaani vikali vizuizi vilivyowekwa na Israel: "Inasikitisha kwamba serikali ya kidemokrasia inazuia chakula na vifaa kwa watu wanaohitaji," alisema, akiita hatua za Israeli "hazikubaliki" na "hazina uaminifu," wakati maelezo yaliyotolewa "yalikosa uaminifu." Albanese kisha alisisitiza uungaji mkono wake kwa usitishaji mapigano na kuachiliwa kwa mateka wote ambao bado wanashikiliwa na Hamas.
Mbele ya Lebanon
Hatimaye, kwa upande wa Lebanon, kiongozi wa Hezbollah Naim Kassem alisisitiza msimamo wa kundi hilo kwamba halitajadili kutoa silaha ambazo bado inamiliki hadi Israel iwaondoe wanajeshi wake kwenye maeneo matano ya mpakani ambako imewaweka na hadi mashambulizi ya anga yatakapokoma.
