Papa Francisko:matendo ya fadhila ya kitaalimungu katika maisha ya Bikira Maria!
Na Angella Rwezaula – Vatican.
Katika mwendelezo wa Katekesi ya Baba Mtakatifu kuhusu Mwaka Jubilei ya Matumaini, Jumatano tarehe 22 Januari 2025, Baba Mtakatifu akiwageukia waamini na mahujaji waliounganika katika Ukumbi wa Paulo wa VI mjini Vatican alianza kusema: Leo tunaanza tena katekesi ya mzunguko wa Jubilei juu ya Yesu Kristo tumaini letu. Mwanzoni mwa Injili yake, Luka anaonesha matokeo ya nguvu ya kubadilisha ya Neno la Mungu ambayo yanafikia sio tu katika ukumbi wa Hekalu, lakini pia katika nyumba duni ya msichana, Maria, ambaye, aliahidi kuolewa na Yosefu; bado akiwa anaishi na familia yake. Baada ya Yerusalemu, mjumbe wa matangazo makubwa ya kimungu, Gabrieli, ambaye kwa jina lake anasherehekea nguvu za Mungu, alitumwa kwenye kijiji ambacho hakikutajwa kamwe katika Biblia ya Kiebrania, yaani huko Nazareti.”
Baba Mtakatifu aliendelea kueleza kuwa “Wakati huo kilikuwa ni kijiji kidogo huko Galilaya, nje kidogo ya Israeli, eneo la mpaka na wapagani na uchafuzi wao. Hapo hapo malaika alileta ujumbe wa umbo na maudhui ambayo hayakuwahi kusikika kabisa, kiasi kwamba moyo wa Maria ulitikisika na kufadhaika kwa hilo. Badala ya salamu ya kawaida "amani iwe nawe", Gabrieli alimwambia Bikira kwa mwaliko "furahi!" yaani, "Furaha!",wito unaopendwa na historia takatifu, kwa sababu manabii waliutumia walipotangaza kuja kwa Masiha(Sof 3:14; Yoeli 2:21-23; Zekaria 9:9).
Ni mwaliko wa furaha ambao Mungu aliwambia watu wake wakati uhamisho ulipoisha na Bwana alifanya uwepo wake hai kuhisiwa. Zaidi ya hayo, Mungu alimwita Maria kwa jina la upendo lisilojulikana katika historia ya Biblia:kecharitoméne, ikiwa na maana ya "kujazwa na neema ya kimungu." Maria amejaa neema ya kimungu. Jina hilo Papa aliongeza, kwamba upendo wa Mungu umedumu tangu zamani na unaendelea kukaa ndani ya moyo wa Maria. Alisema jinsi alivyo na "neema" na zaidi ya yote jinsi neema ya Mungu ilivyounda hali ya ndani yake, na kumfanya kuwa kito chake, yaani aliyejaa neema. Jina hilo la utani la upendo, ambalo Mungu alimpatia Maria pekee, mara moja linaambatana na uhakikisho: "Usiogope!” Kwa njia hiyo “Uwepo wa Bwana daima hutupatia neema hii ya kutokuwa na hofu na hivyo alimwambia Maria: Usiogope!"
Neno hilo “Usiogope” Mungu alimwambia Abrahamu, Isaka, na Musa katika historia kwamba : “Usiogope!” (taz. Mwa 15:1; 26:24; Kumb 3:8) Papa aliongeza kisema kuwa “Na pia anatuambia: “Msiogope, nendeni mbele. Kwa hiyo "tafadhali: msiogope! Hii ni nzuri. “Mimi ni mwenzako wa safarini”: na Mwenyezi Mungu anamwambia Maria hivi. “Mwenyezi”, Mungu wa “yasiyowezekana” (Lk 1:37) yuko pamoja na Maria, yuko pamoja kando yake,na ni mwandamani wake, mshirika wake mkuu, “Mimi-na-we” milele (kama vile Mt. Mwa 28:15; Kut 3:12.
Kisha Gabrieli alitangaza utume wake kwa Bikira, akifanya vifungu vingi vya kibiblia kurudia moyoni mwake akimaanisha ufalme na umasiha wa mtoto atakayezaliwa kutoka kwake na kwamba mtoto atawasilishwa kama utimizo wa unabii wa kale. Neno litokalo Juu linamwita Maria kuwa mama wa Masiha, yule Masiha wa Daudi aliyengojewa kwa muda mrefu. Yeye ni mama yake Masiha. Atakuwa mfalme si kwa njia ya kibinadamu na ya kimwili, lakini katika njia ya kimungu, ya kiroho. Jina lake litakuwa “Yesu”, ambalo linamaanisha “Mungu anaokoa” (rej. Lk 1:31; Mt 1:21), likimkumbusha kila mtu daima kwamba si mwanadamu anayeokoa, bali ni Yesu pekee ndiye anayetimiza haya maneno ya nabii Isaya: “Si mjumbe wala malaika, bali yeye ndiye aliyewaokoa; kwa upendo na huruma (Is 63:9).
Uzazi huu unamtikisa Maria kwenye misingi yake. Na kama mwanamke mwenye akili, anayeweza kusoma matukio ( Lk 2:19.51), anajaribu kuelewa, kutambua kile kinachompata. Mara hatazami nje bali ndani kwa sababu, kama Mtakatifu Augustino anavyofundisha,(ukweli unnaisha ndani, kifungu 39,72). Na huko, katika kina cha moyo wake wazi na nyeti, anahisi mwaliko wa kumtumaini Mungu, ambaye ametayarisha "Pentekoste" ya pekee kwa ajili yake. Kama vile katika mwanzo wa uumbaji (Mwa 1:2), Mungu anataka "kumtia ndani" Maria kwa Roho wake, nguvu inayoweza kufungua kile kilichofungwa bila kukiuka, bila kuathiri uhuru wa mwanadamu; Anataka kumfunika katika “wingu” la uwepo wake (1Kor 10:1-2) ili Mwana apate kuishi ndani yake na yeye ndani yake. Na Maria aliwasha kwa uaminifu: yeye ni taa yenye taa nyingi, kama Theophanes alivyosema katika Kanuni yake ya Matamshi. Anajiachia, anatii, anatengeneza nafasi: ni "chumba cha arusi kilichofanywa na Mungu."
Maria alikaribisha Neno ndani ya mwili wake mwenyewe na hivyo alijikita katika utume mkuu zaidi kuwahi kukabidhiwa kwa mwanamke, kwa kiumbe mwanadamu. Alijiweka katika huduma: Yeye amejaa kila kitu, si kama mtumwa, bali kama mshiriki wa Mungu Baba, aliyejawa na heshima na mamlaka ya kusimamia, kama atakavyofanya huko Kana, zawadi za hazina ya kimungu; wengi wanaweza kuteka kutoka humo kwa mikono miwili. Papa Francisko kwa kuhitimisha alisema , tujifunze kutoka kwa Maria, Mama wa Mwokozi na Mama yetu, kuyafungua masikio yetu kwa Neno la Mungu na kulikaribisha na kulilinda, ili liweze kuigeuza mioyo yetu kuwa maskani ya uwepo wake, kuwa wakarimu. nyumba ambazo matumaini yanaweza kukua.