杏MAP导航

Kuapishwa kwa Trump kutakuwa ndani ya nyumba kutokana na hali ya hewa inayotarajiwa 20 Januari huko Washington,Marekani. Kuapishwa kwa Trump kutakuwa ndani ya nyumba kutokana na hali ya hewa inayotarajiwa 20 Januari huko Washington,Marekani.  (REUTERS)
Baba Mtakatifu

Papa kwa Trump:Marekani lazima iwe nchi ya fursa na inayokaribisha wote!

Katika ujumbe kutoka kwa Papa Fransisko kwa rais wa 47 wa Marekani wakati wa kuapishwa kwake:鈥淣i matumaini yangu kwamba chini ya uongozi wako watu wa Marekani watajitahidi daima kujenga jamii yenye uadilifu zaidi,ambapo hakuna nafasi ya chuki;ubaguzi au kutengwa.鈥滲aba Mtakatifu anaomba Mwenyezi Mungu aongoze juhudi za kiongozi wa Republican katika kuleta amani na upatanisho.

Vatican News

Kwa msukumo wa maadili ya Taifa, ardhi ya fursa na ukaribisho kwa wote, ni matumaini kuwa chini ya uongozi wake watu wa Marekani watafanikiwa na daima watajitahidi kujenga jamii yenye haki zaidi, ambapo hakuna nafasi ya chuki, ubaguzi au kutengwa.  Haya ndiyo matashi mema ambayo Papa Francisko ametuma katika ujumbe kwa Donald Trump, siku ya kuapishwa kwake kama rais wa arobaini na saba wa Marekani, tarehe 20 Januari 2025.

Juhudi za amani

Katika ujumbe huo, Papa Francisko anatuma salamu zake na kumhakikishia maombi yake ili aweze kumjalia rais mpya "hekima, nguvu na ulinzi katika kutekeleza majukumu yake ya juu." Tukitazama basi 鈥渃hangamoto nyingi鈥� ambazo familia ya binadamu inakabili leo, kwanza kabisa janga la vita,  Papa anaomba 鈥淢ungu aongoze juhudi zake katika kukuza amani na upatanisho kati ya watu鈥�.

Sherehe hiyo

Kwa hivyo  Donald Trump atarejea Ikulu ya White House kwa muhula wa pili (ya kwanza ilikuwa 2016) baada ya uchaguzi mnamo Novemba 2024. Sherehe ya makabidhiano na Joe Biden itafanyika karibujioni saa 12 za Italia), ndani ya mzunguko wa Ikulu mbele ya viongozi wa dunia na watu washuhuri wa kteknolojia. Kabla ya Trump, Makamu wa Rais JD Vance ataapishwa.

Papa atuma barua kwa Trump
20 Januari 2025, 12:52