Kard. Gugerotti: turp q毛 nuk mund t鈥檌 jepet fund barbaris毛 n毛 Gaza
R.SH. / Vatikan
Në Gaza, njerëzit vazhdojnë të vdesin nën bomba, e edhe ndërsa presin në radhë për bukë: fëmijë, të moshuar, të sëmurë - pajisjet vdekjeprurëse nuk bëjnë dallim. Dje, rreth dyzet vetë u vranë nga zjarri izraelit pranë një qendre ndihme, ku qe mbledhur një turmë. Në orët e para të ditës së sotme, një fëmijë tjetër, vetëm 4 vjeç, vdiq nga uria: nuk kishte më bukë!
Në një mesazh dërguar Patriarkut Latin të Jeruzalemit, Pierbattista Pizzaballa, më 17 korrik, Kardinali Claudio Gugerotti, Prefekt i Dikasterit të Selisë së Shenjtë për Kishat Lindore, përshkroi tragjedinë në Gaza dhe kujtoi "pamundësisë e turpshme për t'i dhënë fund kësaj barbarie, duke dalë në dritare dhe duke shikuar, sikur e gjithë kjo nuk na përkiste ne e nuk ishte profeci vdekjeje për mbarë njerëzimin".
Përballë "kësaj masakre" që prek një popullsi të tërë, Kardinali u ndal në "gjestin çnjerëzor, ndërmjet shumë të tjerëve", të sulmit ushtarak izraelit, që goditi Kishën Katolike të Familjes Shenjte, në Gaza, tri ditë më parë, duke mbytur tre vetë e duke plagosur më shumë se dhjetë. Një sulm, pohon, "që shkel të drejtën e lashtë për azil, të njohur si hap përpara në qytetërim": qindra njerëz kanë kërkuar strehim në këtë famulli që nga fillimi i luftës.
Kardinali pyet "i tmerruar" nëse ky akt ishte "i qëllimshëm dhe i planifikuar". E shpreh afërsinë me të plagosurit dhe me famullitarin, Atë Gabriel Romanelli, i cili i mirëpret e u ofron strehim të gjithë atyre që e kërkojnë.
Falënderon edhe Patriarkun Pizzaballa si dhe bashkësinë e krishterë të Tokës Shenjte për "dëshminë e humanitetit dhe të vëllazërisë" si dhe për afërsinë "me të braktisurit buzë rrugës në këtë histori të përbashkët njerëzore".
"Ju shoqërojmë me lutje - përfundon Kardinali Gugerotti - që Zoti të mund të depërtojë në këtë turmë njerëzish të shurdhër dhe të verbër, të cilëve u pëlqen krisma e armëve, vetëm sepse i pengon të dëgjojnë britmën tmerruese të të braktisurve鈥�.
Zoti është gjykatës posaçërisht aty aty ku drejtësia injorohet dhe shkelet, domethënë aty ku bëhen përpjekje për ta vrarë vetë Zotin, që identifikohet me viktimën, që askush nuk e mbron. 鈥淎i i Lumi na dhashtë forcë të zgjohemi nga gjumi".
