杏MAP导航

R.SH. - Vatikan

Të krijohet Ministria e Paqes. Ky është propozimi që do të paraqitet të martën, më 24 qershor, në Auditorin Bachelet të Domus Mariae, në Romë. Nisma, e propozuar nga Fondacioni Fratelli Tutti, Veprimi Katolik Italian, Shoqata e Bashkësisë Papa Gjon XXIII, Shoqatat e Punëtorëve të Krishterë të Italisë dhe një rrjet i gjerë shoqatash të shoqërisë civile, lind nga dëshira për të siguruar një strukturë institucionale dhe të qëndrueshme për politikat e paqes, drejtësisë dhe çarmatimit në Itali.

Në bazë, shpjegojnë në një njoftim për shtyp organizatorët e Fushatës "Ministria e Paqes" (), një parakusht i qartë: "Paqja është projekt politik dhe demokratik e, si e tillë, duhet të organizohet, të nxitet dhe të koordinohet". E nëse paqja "nuk është utopi, por përgjegjësi kolektive që përfshin institucionet dhe çdo qytetar", një ministri që i kushtohet do të përfaqësonte "pikën institucionale të referencës së politikave dhe edukimit për paqen, mbrojtjen civile, bashkëpunimin ndërkombëtar, drejtësinë restauruese dhe çarmatimin".

Programi i ngjarjes

Programi përfshin fjalime, dialogë dhe reflektime mbi mënyrën se si paqja mund të bëhet arkitekturë politike dhe institucionale, e jo vetëm ideal etik.

Punimet do të hapen të martën e ardhshme pasdite nga jezuiti Francesco Occhetta, sekretar i përgjithshëm i Fondacionit Fratelli Tutti, koordinatorja e Tryezës së Sektorit të Tretë të Fondacionit, Sandra Sarti, dhe Laila Simoncelli, Koordinatore Kombëtare e Fushatës "Ministria e Paqes". Do të pasohen nga fjalimi përurues i Michele Nicolettit, profesor i Filozofisë Politike në Universitetin e Trentos, me temën "Institucionet për paqen, në një botë të përçarë nga konfliktet".

Në temën e titulluar "Arsyet për Krijimin e një Ministrie Paqeje", tre presidentët e shoqatave organizuese - Matteo Fadda (APG23), Giuseppe Notarstefano (AC), Emiliano Manfredonia (ACLI) - do të ilustrojnë motivimet pas propozimit.

Institucionet dhe shoqëria civile në dialog

Më pas do t'i jepet hapësirë 鈥嬧�媡ryezës së rrumbullakët me temën "Rimendimi, në mënyrë të koordinuar, i politikave për paqen", me diskutimin e përfaqësuesve të institucioneve dhe shoqërisë civile: për fushën e arsimit, Giuseppe Recinto (Ministria e Arsimit dhe Meritës) dhe Giovanna Martelli (Fondacioni Rut); për mbrojtjen civile të paarmatosur dhe jo të dhunshme, Laura Massoli (Departamenti për Politikat Rinore dhe Shërbimin Civil Universal, Presidenca e Këshillit të Ministrave), Laura Milani (Konferenca Kombëtare e Organeve të Shërbimit Civil - CNESC) dhe Stefano Comazzi (AMU - Veprimi për një Botë të Bashkuar - Focolari).

Përsëri, si ekspertë në bashkëpunim, në të drejtat e njeriut, në paqe dhe siguri, do të flasin Luca Fratini (Ministria e Punëve të Jashtme dhe Bashkëpunimit Ndërkombëtar) dhe Primo Di Blasio (FOCSIV); ndërsa për drejtësinë restauruese Alessandro Buccino Grimaldi (Ministria e Drejtësisë - Departamenti për Drejtësinë e të Miturve dhe Restauruese) dhe Silvio Masin (Opera Don Calabria Internazionale).

Takimi do të moderohet nga Andrea Michieli, drejtor i Institutit të së Drejtës Ndërkombëtare të Paqes 鈥淕iuseppe Toniolo鈥�. Për ta mbyllur ditën, në orën 7 të mbrëmjes, do të kremtohet një meshë në Kapelën e Shenjtorëve dhe të Lumve të Veprimit Katolik.