M毛 se 200 delegacione nga e gjith毛 bota, n毛 Mesh毛n p毛r fillimin e Papnis毛 s毛 Leonit XIV
R.SH. / Vatikan
200 delegacione nga e gjithë bota do të marrin pjesë nesër, të dielën, 18 maj, në Meshën për fillimin e Shërbesës Pjetrine të Ipeshkvit të Romës, Leoni XIV. Për Italinë do të jenë, ndër të tjerë, Presidenti i Republikës, Sergio Mattarella, dhe Kryeministrja, Giorgia Meloni. Nga Peruja, Presidentja e Republikës Dina Ercilia Boluarte Zegarra, që përfaqëson Shtetet e Bashkuara, Zëvendëspresidenti James David Vance dhe Sekretari i Shtetit Marco Antonio Rubio. Ndër krerët e tjerë të shteteve, presidentët e Ukrainës, Volodymyr Zelensky, Izraelit, Isaac Herzog, Libanit, Joseph Aoun , Polonisë, Andrzej Duda, Shqipërisë Bajram Begaj, Kosovës Vjosa Osmani 鈥� Sadriu. Ndër sovranët në fuqi, Mbretërit e Spanjës Felipe dhe Letizia, të Belgjikës Philip dhe Mathilde, Princi i Monakos Albert me gruan e tij Charlene. Të pranishme, edhe Presidentja e Komisionit Evropian Ursula Von der Leyen dhe Presidentja e Parlamentit Evropian Roberta Metsola. Në Sheshin e Shën Pjetrit në Vatikan do të jetë gjithashtu edhe Princi Edward i Edinburgut.
Do të jenë të pranishëm në rit edhe delegacione ekumenike dhe përfaqësues të feve të tjera.
Një orë para Meshës, në orën 9:00, Papa Leoni XIV do të niset me xhip nga Piazzale Petriano e, nga Arco delle Campane, do të hyjë në Sheshin e Shën Pjetrit, duke kaluar nëpër grupet e ndryshme për t鈥檌 përshëndetur të gjithë të pranishmit.
Fillimi i papnisë të Leonit XIV, liturgji solemne me rite e simbole
Me kremtimin e së dielës, më 18 maj, fillon zyrtarisht shërbesa papnore e Robert Francis Prevost. Riti thekson lidhjen e Tij me Apostullin Pjetër.
Për ritin e vendosjes së Palliumit dhe dorëzimit të Unazës së Peshkatarit, janë zgjedhur tre kardinalë nga kontinente të ndryshme, siç tregohet nga rendi i shërbimit të Meshës i hartuar nga Zyra e Kremtimeve Liturgjike: Kardinali francez Dominique Mamberti, i urdhrit të diakonëve, do t'ia vërë Palliumin Papës. Kardinali Fridolin Ambongo Besungu, i Republikës Demokratike të Kongos, që i përket urdhrit të presbiterëve, do të kërkojë me një lutje të veçantë praninë dhe ndihmën e Zotit mbi Pasardhësin e Pjetrit. Kardinali filipinas Luis Antonio Gokim Tagle, i urdhrit të ipeshkvijve, do t'i dhurojë Papës Unazën e Peshkatarit.
Kardinalët Frank Leo (Kanada), Jaime Spengler (Brazil) dhe John Ribat (Papua Guinea e Re) u zgjodhën për Ritin e Bindjes. Në ritin e bindjes do të marrin pjesë edhe ipeshkvi i Callao-s (Peru), Imzot Luis Alberto Barrera Pacheco, një meshtar, një diakon, 2 rregulltarë: Motra Oonah O鈥橲hea, eprore e përgjithshme e murgeshave të Notre Dame de Sion dhe presidente e Unionit Ndërkombëtar të Eprorëve të Përgjithshëm, dhe Eprori gjeneral i Jezuitëve Arturo Sosa, pastaj një çift i martuar dhe 2 të rinj.
Në fund të kremtimit, Papa do të ndalet përpara Altarit të Rrëfimit për të përshëndetur delegacionet zyrtare.
