Atentati kund毛r Gjon Palit II: sonte, n毛 44掳 vjetorin e ngjarjes, Mesha n毛 Sh毛n Pjet毛r
R.SH. / Vatikan
Dyzet e katër vjet më parë, ishte 13 maj 1981, Papa Gjon Pali II, pikërisht në ditën e përvjetorit të shfaqjeve të Zojës së Bekuar të Fatimës, ishte viktimë e një atentati në Sheshin e Shën Pjetrit, në Vatikan.
Sonte kremtimi i Meshës
Për të përkujtuar atë ngjarje, sonte në orën 18 në Bazilikën e Shën Pjetrit, sekretari i atëhershëm i Gjon Palit II, Kardinali Stanislaw Dziwisz, do të kryesojë një Meshë në Bazilikën e Vatikanit pranë altarit të katedrës së Shën Pjetrit. Hyrja është falas për të gjithë. Pas kremtimit liturgjik do të zhvillohet një procesion nga altari i katedrës së Shën Pjetrit deri te varri i Shën Gjon Palit II.
Plumbat e devijuar nga dora e Provanisë
Atë ditë të 13 maj 1981, në orën 17.17, Papa Wojytla po bënte një xhiro me Papamobil në Sheshin e Shën Pjetrit, para audiencës së përgjithshme të së mërkurës, kur papritur ra, i plagosur nga të shtënat me armë zjarri të Ali Agçait. Papa u transferua shpejt në spitalin Gemelli në Romë. Ai luftoi mes jetës dhe vdekjes, iu nënshtrua një operacioni dhe shpëtoi. Gjon Pali II qe gjithmonë i bindur se Zoja e Bekuar e Fatimës, me atë rast, kishte "devijuar plumbat" dhe i kishte shpëtuar jetën.
Ndihmë e Nënës Qiellore
Në fakt, një vit pas atentatit, Gjon Pali II shkoi në Shenjtëroren e Fatimës, në Portugali, për të falënderuar Zojën e Bekuar. Shtegtarëve të mbledhur në Shenjtëroren e Zojës Mari në Fatima, Wojtjla u rrëfeu: "Dëshiroj t'ju them me besim se kur një vit më parë, në sheshin e Shën Pjetrit pësova atentatin, kur rifitova vetëdijen, mendimet e mia shkuan menjëherë në këtë Shenjtërore për të falënderuar Zemrën e Nënës Qiellore. Në gjithçka që ndodhi, pashë - dhe do ta përsëris akoma dhe akoma - kujdesin e veçantë amënor të Marisë.
