Kardinali Krajewski ?on Ukrain? kat?r autoambulanca, dhurat? nga Papa
R.SH. - Vatikan
Në Ukrainë po afrohen Pashkët e reja luftarake, ndaj Françesku vazhdon t’u shprehë njerëzve të vuajtur afërsinë me gjeste konkrete, tre vjet pas atij "përvjetor të dhimbshëm dhe të turpshëm për njerëzimin", siç e pati quajtur Papa. Në komunikatën e Lëmoshtarisë Apostolike rikujtohen fjalët e Urbi et Orbi&苍产蝉辫;–&苍产蝉辫;Romës dhe Botës 2024 të Papës Françesku, që vijojnë të jehojnë si nxitje për të vepruar. Vetëm Jezusi “na i hap dyert e jetës – pati thënë Papa - ato dyer, të cilat ne i mbyllim vazhdimisht me luftërat, që vojojnë të përhapën në mbarë botën.
4 autoambulancat me stemën e Shtetit të Vatikanit, të pajisura me të gjitha instrument mjekësore të nevojshme për të shpëtuar jetë njerëzish, do të shërbejnë për zonat e luftës. Kardinali Konrad Krajewski, lëmoshtar i Papës, i ndihmuar nga 3 shoferë nga Ukraina, do të jetë në vend, me njerëzit aq të prekur nga konflikti, për t'u lutur me ta e për të shprehur kështu afërsinë me Ipeshkvin e Romës.
Është mision, i dhjeti në Ukrainë për Kardinalin, i cili lindi në kulmin e Jubileut të Shpresës. Në Bulën, që shpalli Vitin Shenjt, Spes non Confundit - lexohet në tekstin e komunikatës - Papa shkruan se "Shenja e parë e shpresës përkthehet me fjalën paqe për botën, e cila këto ditë vijon ende të jetojë tragjedinë e luftës. Nevoja për paqe i sfidon të gjithë dhe kërkon që ne të ndjekim projekte konkrete".
Dhurata e 4 autoambulancave bëhet, kështu, shenjë e shpresës jubilare të ankoruar në Krishtin.
