Gjendja e Pap?s e q?ndrueshme, p?rmir?sohen z?ri e l?vizshm?ria
R.SH. / Vatikan
Papa Françesku vazhdon të jetë në humor të mirë dhe gjendja e tij e përgjithshme mbetet e qëndrueshme, sipas informacionit më të fundit të Zyrës së Shtypit të Selisë së Shenjtë. Përditësimi i fundit mbi shëndetin e Papës, i paraqitur sot nga Drejtori i Zyrës së Shtypit të Selisë së Shenjtë, Matteo Bruni, tregon se analizat e gjakut janë në kufijtë normalë, ndërsa një radiografi e fundit e gjoksit tregon një përmirësim në mushkëri.
Papa po vazhdon me terapitë e ndryshme të përshkruara nga mjekët e tij, tha Matteo Bruni. Aftësitë e tij motorike, frymëmarrja dhe përdorimi i zërit të tij vazhdojnë të tregojnë përmirësim. Oksigjenimi me fluks të lartë përdoret kryesisht gjatë natës dhe sipas nevojës.
Papa vazhdon edhe punën, ulet në tryezën e tij. Kremton Meshën çdo mëngjes në kapelën e katit të dytë në shtëpinë e Shën Martës. Nuk ka pasur vizita të veçanta: pranë tij janë të pranishëm stafi shëndetësor dhe bashkëpunëtorët më të afërt.
Nesër për audiencën e përgjithshme të së mërkurës, teksti i katekezës së Papës do të publikohet si të mërkurën e kaluar. Për mënyrën e kremtimit të lutjes së Engjëllit të Zotit, të dielën e ardhshme, do të njoftohet në konferencën e ardhshme të premten, më 4 prill". Kështu ka bërë të ditur sot zyra e shtypit e Vatikanit në lidhje me gjendjen shëndetësore të Papa Françeskut.
