"Far? t? Paqes e t? Shpres?s”: tema e Dit?s Bot?rore p?r Kujdesin ndaj Krijimit
R.SH. - Vatikan
“Farë të paqes dhe të shpresës”: kjo është tema e zgjedhur nga Papa Françesku për Ditën Botërore të Lutjes kushtuar Kujdesit ndaj Krijimit të këtij viti. Koha e Krijimit është nismë ekumenike, që po bëhet traditë e që kremtohet nga 1 shtatori - deri më 4 tetor.
Siç nënvizon një komunikatë e Dikasterit për Shërbimin e Zhvillimit të Gjithanshëm Njerëzor, tema e botimit 2025, vit jubilar dhe dhjetëvjetor i botimit të enciklikës Laudato si', është "paqe me krijimin" e, si tekst biblik për këtë nismë, u zgjodh ai i Isaisë Profet (32:14-18). Siç nënvizohet në Magjisterin e Papës Françesku dhe të paraardhësve të tij të fundit, lidhja e paqes me kujdesin për krijimin është tejet e ngushtë (shih Mesazhet për Ditën Botërore të Paqes 1990 dhe 2010). Në të njëjtën mënyrë, është tejet e ngushtë edhe lidhja e luftës kundër dhunës nga njëra anë - dhe degradimi i shtëpisë së përbashkët e humbja e burimeve (shkatërrimet dhe armatimet) nga ana tjetër.
Mesazhi nxit lutjen, në mënyrë që të krijohen kushte për paqe: paqe të qëndrueshme, të krijuar së bashku, që ngjall shpresë. Metafora e farës tregon nevojën për impenjim afatgjatë. Në mesazh kujtohen edhe praktikat e mira si dhe farat e paqes dhe të shpresës nga kontinente të ndryshme.
