Ngush毛llimet e Pap毛s p毛r viktimat e klubit t毛 nat毛s, n毛 Maqedonin毛 e Veriut
R.SH. / Vatikan
Papa Françesku shpreh 鈥渘gushëllimet e tij të thella鈥� dhe siguron 鈥渁fërsinë e tij shpirtërore me të lënduarit鈥� në zjarrin dramatik që shpërtheu mbrëmë në një lokal nate në Koçan të Maqedonisë së Veriut, me pasojë, 59 viktima dhe 155 të plagosur. Kështu shkruhet në një telegram, nënshkruar nga Sekretari i Shtetit të Vatikanit, kardinali Pietro Parolin, drejtuar ipeshkvit të Shkupit, imzot Kiro Stojanov. Në tekst, Papa Françesku siguron "kujtimin e tij në lutje për njerëzit që humbën jetën" dhe "ngushëllimin qiellor për ata që po vuajnë pasojat" e një prove kaq të hidhur.
Zjarri ra rreth orës 03:00 gjatë një koncerti, ku merrnin pjesë 1500 vetë në një lokal nate, në Koçan. Ka mundësi të jetë shkaktuar nga fishekzjarret e nisura në skenë. Organizatorët e ngjarjes dhe pronarët e lokalit u arrestuan. Viktimat ishin kryesisht nga mosha 14 deri në 27 vjeç. Qeveria maqedonase po bën të gjitha përpjekjet e mundshme për të zbuluar shkaqet e tragjedisë.
鈥淪ot është ditë e vështirë dhe shumë e trishtueshme për Maqedoninë鈥� - shkruan kryeministri Hristijan Mickoski, 鈥渉umbja e kaq shumë jetëve të të rinjve është e pariparueshme dhe dhimbja e familjeve, të afërmve dhe miqve, e pamasë鈥�. Mesazhe ngushëllimi vijojnë të arrijnë edhe nga institucionet evropiane, ndërsa qeveria serbe e shpalli 18 marsin ditë zije kombëtare, në kujtim të viktimave.
