Dhimbja e Leonit XIV p?r atentatin n? kish?n e Mar Elias n? Damask
R.SH. – Vatikan
Me "dhimbje të thellë", Papa Leoni XIV mësoi për atentatin e së dielës së kaluar, 22 qershor, në kishën greko-ortodokse të Mar Elias, në Damask të Sirisë, ku atentatori u hodh në erë në mes të besimtarëve, ndërsa po kremtohej mesha. Kështu shkruhet në telegramin, që mban firmën e Sekretarit të Shtetit të Vatikanit, kardinalit Pietro Parolin, përmes të cilit Papa Prevost shpreh "me gjithë zemër solidaritetin e tij" për të goditurit nga "tragjedia". Bilanci zyrtar, siç njofton agjencia siriane Sana, bazuar në komunikatën e Ministrisë vendase të Shëndetësisë, është 30 të vdekur dhe 63 të plagosur. Autoritetet siriane ia kanë atribuar masakrën të vetëshpallurit Shtet Islamik (ISIS).
Ngushëllim, shërim dhe paqe
"Duke ua besuar shpirtrat e të ndjerëve mëshirës plot dashuri të Atit tonë Qiellor", vazhdon deklarata, Papa lutet edhe për ata që vajtojnë humbjen e të afërmve, për shërimin e të plagosurve, duke i kërkuar “Hyjit të Gjithëpushtetshëm dhuratat e ngushëllimit, të shërimit dhe të paqes mbi kombin" sirian.
