杏MAP导航

R.SH. 鈥� Vatikan

鈥淪inodaliteti është një stil, një qëndrim që na ndihmon të jemi Kishë鈥�. Shtysa e Papa Françeskut është të çojmë përpara drejt të ardhmes trashëgiminë e sinodalitetit: Leoni XIV vazhdon udhën e trasuar nga paraardhësi për një Kishë sinodale dhe fton Sekretarinë e Sinodit të mbledhë 鈥渇rutat e pjekura鈥� gjatë asambleve të ndryshme dhe të çojë përpara punën. Kështu tha mes tjerash Papa Leoni, në përshëndetjen e tij drejtuar anëtarëve të Këshillit të Zakonshëm të Sekretarisë së Përgjithshme të Sinodit të Ipeshkvijve, të takuar sot pasdite në selinë e Sinodit në Via della Conciliazione 34, në Romë. Një takim i shkurtër - edhe pse Papa thotë se do të kishte qëndruar 鈥済jithë pasditen鈥� - për shkak të pjesëmarrjes në takimin ndërkombëtar në Auditorin Conciliazione 鈥淢eshtarë të lumtur鈥�.

PËRSHËNDETJA E ATIT TË SHENJTË PREVOST

drejtuar anëtarëve të Këshillit të Zakonshëm të Sekretarisë së Përgjithshëm të Sinodit të Ipeshkvijve

26 qershor 2025

Të dashur,

kam kënaqësinë t'ju përshëndes me rastin e mbledhjes së Këshillit të Zakonshëm të Sekretarisë së Përgjithshëm të Sinodit të Ipeshkvijve. Edhe pse nuk mund të qëndroj me ju gjithë pasditen, jam i lumtur të shfrytëzoj këtë mundësi për të bashkëndarë një ide që e konsideroj qendrore, dhe pastaj t'ju dëgjoj në kohën që kam në dispozicion.

Papa Françesku i ka dhënë një shtysë të re Sinodit të Ipeshkvijve, duke iu referuar, siç e ka thënë vazhdimisht, Shën Palit VI. Dhe trashëgimia që na ka lënë më duket se është mbi të gjitha kjo: se sinodaliteti është një stil, një qëndrim që na ndihmon të jemi Kishë, duke promovuar përvoja autentike të pjesëmarrjes dhe bashkimit.

Gjatë papnisë së tij, Papa Françeskue ka çuar përpara këtë koncept në në Asambletë e ndryshme Sinodale, veçanërisht në ato mbi familjen, dhe më pas e ka bërë atë të kalojë në asamblenë e të fundit, të dedikuar pikërisht sinodalitetit të Kishës.

Sinodi i Ipeshkvijve ruan natyrshëm fizionominë e vet institucionale, dhe në të njëjtën kohë pasurohet me frytet e pjekura në këtë stinë. Dhe ju jeni organizmi i ngarkuar për të mbledhur këto fryte dhe për të bërë një reflektim që ofron një perspektivë. Ju inkurajoj në këtë punë, lutem që të jetë frytdhënëse dhe që tani ju jam mirënjohës.