Papa Leoni XIV pret z毛vend毛spresidenten e Vietnamit
R.SH. / Vatikan
Sot paradite, e hënë 30 qershor, Leoni XIV priti në audiencë, në Pallatin Apostolik, në Vatikan, zëvendëspresidenten e Republikës Socialiste të Vietnamit, Vo Thi Anh Xuan, e cila më pas takoi në Sekretarinë e Shtetit të Selisë së Shenjtë kryeipeshkvin imzot Paul Richard Gallagher, sekretar i Vatikanit për Marrëdhëniet me Shtetet dhe Organizatat Ndërkombëtare.
Bisedimet në Sekretarinë e Shtetit
"Gjatë bisedimeve të përzemërta në Sekretarinë e Shtetit të Vatikanit - njofton një komunikatë nga Zyra e Shtypit e Selisë së Shenjtë - u shpreh vlerësimi i thellë për zhvillimet pozitive në marrëdhëniet midis Selisë së Shenjtë dhe Vietnamit, veçanërisht në zbatimin e Marrëveshjes mbi statusin e Përfaqësuesit Papnor Rezident në Vietnam, si dhe u nënvizua kontributi i Kishës Katolike në shoqërinë vietnameze". Më pas, shton njoftimi, u bë "një shkëmbim pikëpamjesh mbi situatën shoqëroro-politike të vendit, si dhe mbi zhvillimet rajonale dhe ndërkombëtare".
