N? audienc? te Papa, presidenti i Sao Tomé dhe Principe
R.SH. / Vatikan
Presidenti i Republikës Demokratike të Sao Tomé dhe Principe, Carlos Manuel Vila Nova, u prit, sot paradite, e hënë 30 qershor, në audiencë nga Papa Leoni XIV në Pallatin Apostolik në Vatikan. Më pas, kreu i shtetit takoi Kryeipeshkvin imzot Paul Richard Gallagher, sekretar i Vatikanit për Marrëdhëniet me Shtetet dhe Organizatat Ndërkombëtare.
Bisedimet në Sekretarinë e Shtetit
"Gjatë bisedimeve të përzemërta në Sekretarinë e Shtetit të Vatikanit - informon një njoftim nga Zyra e Shtypit e Selisë së Shenjtë - u përmenden marrëdhëniet e mira ndërmjet Selisë së Shenjtë dhe Sao Tomé dhe Principe, dhe u theksuan disa aspekte të situatës politike dhe socio-ekonomike të vendit, veçanërisht bashkëpunimi me Kishën lokale në fushën e shëndetësisë dhe arsimit, me vëmendje të veçantë ndaj formimit të rinisë së arkipelagut".
"Në vazhdim të bisedës - shton komunikata - pati gjithashtu një shkëmbim mendimesh mbi çështje me karakter rajonal dhe ndërkombëtar, duke theksuar rëndësinë e promovimit të dialogut dhe bashkëpunimit ndërmjet kombeve".
