N毛 audienc毛 te Papa, presidenti i Libanit, Joseph Aoun
R.SH. 鈥� Vatikan
Sot paradite, në Pallatin Apostolik të Vatikanit, Papa Leoni XIV priti në audiencë presidentin e Republikës së Libanit, Joseph Aoun, i cili më pas u takua me Sekretarin e Shtetit, kardinalin Pietro Parolin, shoqëruar nga imzot Miros艂aë Ëachoëski, Zv.sekretar për Marrëdhëniet me Shtetet.
Bisedimet në Sekretarinë e Shtetit
Siç njoftohet në një notë të Sallës së Shtypit të Selisë së Shenjtë, "gjatë bisedimeve të përzemërta në Sekretarinë e Shtetit, u përmendën marrëdhëniet e mira dypalëshe, duke shprehur vlerësim për rolin tradicional dhe të vazhdueshëm të Kishës Katolike në shoqërinë libaneze".
Nevoja për paqe në Lindjen e Mesme
"Gjatë bisedës - vazhdon nota - u urua që vendi, përmes procesit të stabilizimit dhe reformave, të përjetojë një stinë të re harmonie politike dhe rimëkëmbjeje ekonomike, gjë që do t'i japë mundësinë të përforcojë idealet e bashkëjetesës ndërmjet feve dhe të promovojë zhvillimin". Së fundi, informon nota, "u trajtua nevoja e domosdoshme për të favorizuar pajtimin e gjithë rajonit të Lindjes së Mesme".
