杏MAP导航

R.SH. 鈥� Vatikan

Besimi i plotë në Zotin, vetëdija e të qenit i brishtë dhe mëkatar, thirrja e re drejtuar meshtarëve për t鈥檜 vënë në shërbim të të gjithëve, admirimi i tij për martirët bashkëkohorë dhe shqetësimi  për migrantët janë disa nga temat, që Papa Françesku trajtoi në vitin 2021, në dialog me gazetarin Noel Díaz, në Shtëpinë e Shën Martës. Díaz është themeluesi i shoqatës së besimtarëve 鈥淓l Sembrador, Nueva Evangelización鈥�, e cila shpall Fjalën e Hyjit përmes televizionit dhe radios.

Thirrja e Jezusit drejtuar Simon Pjetrit dhe kuptimi i shërbimit baritor

Takimi ndërmjet Jezusit dhe Simon Pjetrit është themelor për të kuptuar misionin e Kishës, nënvizon Papa, duke iu përgjigjur pyetjeve të gazetarit. Jezusi e thërret Simonin nga mesi i popullit dhe ai nuk ndahet e nuk izolohet kurrë. Ky gjest sinjalizon se bariu duhet të qëndrojë ndërmjet deleve, afër njerëzve dhe të mos lartohet në ndonjë pozitë elitare. Pjetri nuk zgjidhet për ndonjë post a pushtet politik, por për të qenë shërbëtor i përvuajtur. Jezusi, shpjegon më tej Ati i Shenjtë, e konfirmon autoritetin e tij me mrekullitë, që kryen para njerëzve, duke e përforcuar besimin e tyre tek ai. Kur Pjetri e kupton brishtësinë e tij dhe ndihet mëkatar, gjunjëzohet para Jezusit me përvujtëri, gjest ky me rëndësi vendimtare. Jezusi e shuguron atë ipeshkëv jo për pushtet, por si bari, për të udhëhequr grigjën, pa u ndarë nga varfëria e origjinës së tij dhe nga shërbimi. Pjetri lë gjithçka për të ndjekur thirrjen, një shembull që Papa Françesku e kujton si model për të gjithë meshtarët.

Deklarata e fesë së Pjetrit dhe prova e udhës së krishterë

Jezusi i pyet dishepujt se kush thonë njerëzit se është ai, por pastaj u bën pyetjen më të rëndësishme: «Po ju, kush thoni se jam unë?» Pjetri përgjigjet duke e njohur Jezusin si atë, që bart zbulesën e Atit, duke e quajtur Mesi dhe Bir të Hyjit. Ky hap, komenton më tej Papa Françesku në intervistë, shënon impenjimin e tij të plotë dhe nxjerr në pah natyrën jo-shkencore, por shpirtërore të asaj sigurie. Kisha është themeluar mbi këtë besojmë, mbi një gur të patundur, pikërisht sepse mbështetet nga fjala e Jezusit. Jezusi u njofton dishepujve dhe veçanërisht Pjetrit, kryqëzimin dhe ringjalljen e tij të afërt. Pjetri, i zënë në befasi nga kjo perspektivë e ashpër, përpiqet ta shkurajojë Jezusin që të mos ndjekë këtë rrugë. Por Jezusi e qorton ashpër, sepse rruga e Mesisë dhe e ndjekësve të tij kalon nëpërmjet kryqit, nëpërmjet përkushtimit dhe flijimit të jetuar me besim në Zotin. Edhe kreu i Kishës, vëren Papa Françesku, mund të bëjë gabime, por ai është i thirrur ta mbajë gjallë fenë, duke larguar gjithçka pengon ndjekjen e planit të shëlbimit.

Forcat armiqësore kundër fesë dhe dëshmia e martirëve bashkëkohorë

Papa Françesku thekson se forcat e së keqes përpiqen ta rrëzojnë Kishën, sidomos kur ajo u hap udhën pushteteve të tjera, si paratë, ose ndikimi i kësaj bote. Këto elemente nuk i rezistojnë forcës së Fjalës së Hyjit zbuluar nga Ati. Vetë Jezu Krishti vuajti fyerjet dhe kryqëzimin si mësues dhe udhëheqës, prandaj, dishepujt e tij duhet të presin përndjekje të ngjashme. Ati i Shenjtë kujton martirët e shumtë të krishterë në botën e sotme, njerëz, që japin jetën, ose vuajnë burgosjen, vetëm për shkak të fesë. Është Kishë dëshmitare, e cila nuk matet me pasuri, por me koherencë dhe sakrificë. Martirizim do të thotë dëshmi: kushdo e zbaton fenë në jetën e përditshme, me përkushtim dhe sakrificë, është martir, thekson Papa në intervistë. Edhe ata që, duke hequr dorë nga diçka, përpiqen të edukojnë fëmijët, ose të jetojnë sipas Ungjillit, e mbështesin bashkësinë e krishterë.

Konfirmimi i misionit dhe bekimi për migrantët e besimtarët

Në kreun 21 të Ungjillit sipas Gjonit, ftesa drejtuar Shën Pjetrit përsëritet tri herë: 鈥淒uaje Zotin dhe përforcoi vëllezërit鈥�. Është thirrje e fuqishme, që saktëson qartë misionin e udhëheqjes dhe të kujdesit për Kishën. Pjetri paralajmërohet se rruga nuk do të jetë e lehtë dhe se ai do të ndjekë të njëjtin kryq, si Jezu Krishti. Papa vë në dukje edhe dobësitë e Shën Pjetrit, madje edhe thashethemet e tij, si njeri i zakonshëm, i cili, gjithsesi, e merr forcën nga Shpirti Shenjt për të plotësuar thirrjen. Në përfundim të intervistës me Noel Díaz, Papa Françesku kujton realitetin e migrantëve, shpesh larg atdheut dhe të pritur nga lloj-lloj njerëzish. Këtyre burrave dhe grave në sprovë, u lë një bekim të veçantë, së bashku me bekimin e gjithë besimtarëve, që shohin e dëgjojnë intervistën. Papa e quan veten shërbëtor dhe përcakton lutjen si mbështetje të ndërsjellë për të qëndruar të vendosur dhe besnikë në fenë e Krishtit.