Papa: t? b?hemi artizan? t? paqes dhe t? unitetit p?r nj? njer?zim t? ri
R.SH. – Vatikan
Artizanë dhe dëshmitarë të paqes dhe të unitetit, për një Kishë dhe një botë, që banohet nga “njerëzimi i ri, i pajtuar”. Kjo është shpresa e Papës Françesku në mesazhin e publikuar sot, më 3 prill, drejtuar pjesëmarrësve në shtegtimin jubilar të Charis - Shërbimi Ndërkombëtar për Përtëritjen Karizmatike Katolike. Nisma do të mbahet në Romë nga data 4 deri më 6 prill, me temën "Dëshmitarë të gëzuar të shpresës".
Drejt horizonteve universale të Kishës
Në tekst, Papa e krahason misionin e Charis - një organizatë e krijuar nga Selia e Shenjtë përmes Dikasterit për Laikët, Familjen dhe Jetën - me "rrahjen e zemrës në trupin e njeriut": me rrënjë të thella në Kishë dhe me dyer të hapura për horizontet e saj universale, duke marrë përsipër ndjetet e paqes, që bart Ati i Shenjtë në zemër.
“Shpirti Shenjt, dhuratë e Zotit të Ringjallur - shkruan Papa - krijon bashkim, harmoni, vëllazërim. E, kjo është Kisha: njerëzim i ri i pajtuar”.
"Lidhja me liderët" nuk duhet të jetë shkak përçarjeje
Ati i Shenjtë i nxit shtegtarët ta çojnë përvojën jubilare në botë, duke dëshmuar me jetën e tyre vlerat e paqes dhe të shpresës.
“Shpirti Shenjt mund t'i dhurojë paqen e vërtetë zemrës së njeriut dhe ky është kushti për të kapërcyer konfliktet në familje, në shoqëri, në marrëdhëniet ndërmjet kombeve”.
Së fundi, Françesku na fton të kërkojmë vazhdimisht “bashkimin”, duke u nisur nga grupet dhe bashkësitë, në të cilat jetojmë, me frymën e bashkëpunimit. E këshillon edhe të shmanget kulti i udhëheqësve, që mund të bëhet shkak për ndarje dhe konflikt: “Të keni dëshirën për bashkëpunim, veçanërisht me bashkësitë e famullisë dhe Zoti do t'ju bekojë me shumë fryte”.
