Papa dhe p毛rqafimi i t毛 burgosurve t毛 鈥淩egina Coeli鈥�: "Dua t毛 jem pran毛 jush"
R.SH. 鈥� Vatikan
Papa Françesku, që ende po e merr veten nga sëmundja, deshi ta kalojë të Enjten e Madhe të Pashkëve me të burgosurit, ashtu siç ka bërë që nga fillimi i papnisë. Pavarësisht se nuk mundi ta kremtojë personalisht ritin e larjes së këmbëve - siç u tha ai vetë rreth 70 të burgosurve të 鈥淩egina Coeli鈥�-t, burg i Romës pranë Vatikanit 鈥� deshi që ata ta ndienin afërsinë e tij.
Vërtet, në orët e para të pasdites, me makinën Cinquecento të bardhë e me xhamat e errësuar, hyri në burgun romak, ku ka qenë edhe në vitin 2018, për të dalë prej tij pas gjysmë ore.
"Liri!". 鈥淔alje!鈥�. "Atë, Atë i Shenjtë!". "Jemi me ty!". "Urime!". "Mos ik!". "Lutu për Palestinën!" Britmat nga dritaret e tre seksioneve me pamje nga qendra e burgut, mbi të cilin lartohet shtatorja e Zojës me Jezu Krishtin Foshnjë në krahë, ishin aq të forta saqë e mbytën zërin e dobët, por të vendosur të Françeskut.
鈥淢ë ka pëlqyer gjithmonë të vij në burg të Enjten e Madhe për të bërë, ashtu si Jezusi, larjen e këmbëve. Këtë vit nuk e bëj dot, por mund dhe dua të jem pranë jush. Lutem për ju dhe për familjet tuaja".
Si zakonisht gjatë këtyre kohëve, vizita nuk u njoftua deri minutin e fundit, pasi çdo lëvizje e Papës varet nga kushtet e tij shëndetësore dhe nga moti. Ati i Shenjtë nuk kremtoi meshë, siç bën zakonisht, por, pas këtyre fjalëve tha bashkë me të pranishmit Atynën. ''Kam kohë pa e parë, fytyra më duket shumë e lodhur'', komentoi kapelani i burgut, atë Vittorio Trani, në fund të vizitës. ''Por bukuria qëndron në gjestin e jashtëzakonshëm të afërsisë për këtë botë me vështirësi për të gjithë. I bukur ky gjest, shenjë afërsie dhe shprese鈥�.
Kësaj radhe, Papa nuk i kishte tubat e oksigjenit në hundë, por, siç komentoi atë Trani, 鈥渟hihej se po kalon një moment shumë delikat shëndetësor鈥�. Pas daljes nga burgu, Bergoglio uli xhamin e makinës dhe - për mediat - tha disa fjalë, me një zë të mekët, duke nënvizuar se do t鈥檌 jetojë Pashkët si të mundet. Sigurisht që duhet pritur një surprizë e re për Pashkë. Besimtarët e gjithë botës e dëshirojnë me gjithë shpirt dhe mezi ç鈥檖resin.
