M毛 2 prill, mesha e kard. Parolin p毛r 20-vjetorin e vdekjes s毛 Gjon Palit II
R.SH. - Vatikan
Pak më shumë se një muaj më parë, më 12 shkurt, Papa Françesku i dërgoi një letër kardinalit Stanis艂aw Dziwisz, me të cilën siguron bekimin e tij për pjesëmarrësit në kremtimet për 20-vjetorin e vdekjes së Papës shenjt Gjon Palit II, të cilit vetë kardinali i pati shërbyer si sekretar i veçantë. 鈥淯 uroj të gjithëve një Vit të qetë Jubilar, në shenjën e shpresës鈥�, shkruan Papa. 鈥淒uke u lutur për ndërmjetësimin e së Lumes Virgjër Mari dhe të Shën Gjon Palit II, ju bekoj nga zemra ju dhe të gjithë ata, që do të marrin pjesë në kremtimin e 2 prillit të ardhshëm鈥�.
Mesha dhe vigjilja e 2 prillit
Kardinali Dziwisz do të jetë në Bazilikën e Vatikanit më 2 prill, në orën 15.00, kur Sekretari i Shtetit të Selisë së Shenjtë, kardinali Pietro Parolin, do të kryesojë liturgjinë eukaristike të këtij përvjetori. Të gjithë do të marrin pjesë në meshë, pa pasur nevojë as për biletat falas, që zakonisht shpërndahen për veprimtaritë e rëndësishme në Vatikan. Po atë ditë, në orën 21.00, në Sheshin e Shën Pjetrit, do të kremtohet një mbrëmje lutjeje në gjuhën polake dhe italiane, e cila do të drejtohet nga kreu i ipeshkvijve polakë, kryeipeshkvi Tadeusz Wojda, edhe ai, ndër bashkëkremtuesit e liturgjisë së pasdites.
Reina: 鈥渄hurata e madhe鈥� e jetës së Papës Vojtila
Ditët e fundit, në një letër drejtuar meshtarëve, rregulltarëve, bashkësive dhe besimtarëve të dioqezës së Romës, kardinali vikar Baldassare Reina e përcakton jetën e Shën Gjon Palit II si një 鈥渄huratë të madhe鈥�, edhe 鈥減ër shërbimin e tij baritor në dioqezën tonë鈥�, shkruan ai. Së fundi, ai i fton të gjithë në këtë kremtim të përbashkët për ta falënderuar Zotin, që i dhuroi botës Papën Vojtila.
