Papa: t? lutemi p?r vendet n? luft? e t’i kujtojm? t? shp?rngulurit e Palestin?s
R.SH. - Vatikan
Në audiencën e sotme të përgjithshme, 5 shkurt, në Sallën Pali VI, Papa Françesku i kujtoi rishtas vendet e prekura nga konfliktet dhe pasojat e tyre. Pavarësisht nga të ftohurit, që e pengoi për leximin e katekizmit e që iu besua Atë Pierluigi Giroli-t, zyrtar i Sekretarisë së Shtetit, Papa deshi ta shqiptonte vetë thirrjen për "vendet që vuajnë nga lufta":
“Ukrainën e torturuar, Izraelin, Palestinën. Shumë vende që po vuajnë atje. T’i kujtojmë të shpërngulurit e Palestinës dhe të lutemi për ta”.
Lutjet për meshtarët në vendet e varfra ose të luftës
Edhe në përshëndetjen për shtegtarët polakë, Papa kujtoi territoret e rrënuara nga varfëria e nga dhuna dhe i inkurajoi “të luten për meshtarët, që kryejnë shërbesën e tyre në vendet e varfra dhe të shkatërruara nga lufta”, veçanërisht - kujtoi - “në Ukrainë, në Lindjen e Mesme dhe në Republikën Demokratike të Kongos”.
“Për shumëkënd, kjo prani është provë që tregon se Zoti i kujton gjithmonë”.
