杏MAP导航

R.SH. 鈥� Vatikan

鈥淣ata kaloi e qetë鈥� për Papën Françesku, i cili është shtruar në spitalin Gemelli që prej 14 shkurtit. Rezultatet e analizave të kryera ditët e fundit kanë konfirmuar se Ati i Shenjtë ka një infeksion polimikrobik të rrugëve të frymëmarrjes. Si zakonisht, edhe sot, zëdhënësi i Vatikanit, Matteo Bruni, u dha lajmet e përditësuara gazetarëve të shumtë të mbledhur në Sallën e Shtypit të Selisë së Shenjtë.

Pushim absolut

鈥淧apa pushoi, sot u zgjua, hëngri mëngjesin dhe iu kushtua leximit të disa gazetave, siç bën rregullisht鈥�, deklaroi Bruni, duke shpjeguar se do të jepen më vonë informacione të mëtejshme mjekësore. Tani për tani, Papa merr frymë vetë, u nënvizua në Sallën e Shtypit dhe po ndjek këshillën për 鈥減ushim absolut鈥� dhënë nga personeli mjekësor, që po e trajton prej katër ditësh.

Ndryshimet në veprimtaritë e ardhshme

Përsa u përket veprimtarive të parashikuara në ditët e ardhshme, Papa Françesku, natyrisht, nuk do të mbajë audiencën e përgjithshme të ditës së nesërme në Vatikan, si edhe janë anuluar të gjitha impenjimet e tij, të shtunën, më 22 shkurt. Mesha e Jubileut të Diakonëve, të cilën Ati i Shenjtë do ta kremtonte të dielën, në Bazilikën e Shën Pjetrit, do të kryesohet nga pro-prefekti i Dikasterit për Ungjillëzimin, imzot Rino Fisichella, gjithnjë në orën 9.00.

Telefonata në Gaza

Ndërkohë 鈥� siç u konfirmua edhe nga një komunikim i mbrëmshëm 鈥� Papa vazhdon terapinë e parashikuar nga mjekët. E vazhdon t鈥檌 telefonojë edhe famullisë së Familjes Shenjte në Gaza, siç pohoi famullitari, atë Gabriel Romanelli, i cili mbrëmë njoftoi për një video-telefonatë tjetër të Papës, me 鈥渮ë të fortë dhe të qartë鈥�.

Vizatime dhe mesazhe nga fëmijët

Françesku po merr edhe qindra mesazhe, që i urojnë shërim të shpejtë, vizatime dhe pusulla. Disa prej tyre vijnë nga fëmijët e shtruar në Poliklinikën Gemelli, veçanërisht nga ata në pavijonin e onkologjisë, fqinjët e tij në katin e dhjetë, të cilëve Papa u ka bërë gjithnjë një vizitë gjatë qëndrimeve të tij të mëparshme në spital.