"Si t毛 komunikojm毛 shpres毛n n毛 Evrop毛n e sotme?"
R.SH. 鈥� Vatikan
Nga 3 deri më 5 qershor 2025, kryedioqeza e Pragës priti një takim të zëdhënësve të Konferencave Ipeshkvnore Evropiane, mbledhur në kryeqytetin e Republikës Çeke nga pothuajse tridhjetë vende. Tema e seminarit, organizuar nga Këshilli i Konferencave Ipeshkvnore Evropiane (CCEE) së bashku me Konferencën e Ipeshkvijve Çekë, ishte "Komunikimi i Shpresës në Evropën e Sotme". Nga Shqipëria, mori pjesë zëdhënësi i ipeshkvijve, dom Mark Pashkja.
Takimi u hap me një referat të prof. Daniel Arasa, Dekan i Fakultetit të Komunikimit Institucional në Universitetin Papnor të Kryqit të Shenjtë, mbi temën 鈥淪hërbimi i komunikuesve kishtarë për Kishën në kontekstin aktual鈥�. Ai foli për sfidat me të cilat duhet të përballen shoqëria dhe Kisha sot, veçanërisht për ndikimin e teknologjisë dixhitale dhe krizën e besimit në institucione. Për t'iu përgjigjur këtyre sfidave, ai propozoi tre pika që mund të orientojnë ndryshimin. Së pari, foli për të ashtuquajturin 鈥渞ipyllëzim kulturor鈥�, që do të thotë se komunikatori kishtar duhet jo vetëm të informojë për veprimtaritë e Kishës, por edhe të mbushë boshllëkun për njohuritë fetare, që është krijuar nga shekullarizimi i shoqërisë. Ai nxiti të përdoret më shumë krijimtaria e të flitet për argumente, që zgjojnë interes jo vetëm për formën, por sidomos për përmbajtjen.
Në sesionin e dytë, zëvendësdrejtori editorial i mediave të Vatikanit, Alessandro Gisotti, u përqendrua në temën 鈥淜omunikimi nga Papa Françesku te Papa Leoni鈥�, duke nënvizuar disa pika të përbashkëta për dy Papët. Ndër to, përparësia që i jepet dëgjimit në komunikim, nevoja për t鈥檜a shpallur Ungjillin të gjithëve dhe sinodaliteti edhe në mënyrën e komunikimit. Në veçanti, ai theksoi mendimin dhe përshpirtërinë augustiniane si çelës për të kuptuar vizionin e komunikimit të Robert Francis Prevost.
Sesioni i fundit trajtoi temën: 鈥淕azetarët dhe Komunikimi i Vatikanit鈥� me ndihmën e dy folësve: Z. Javier Martínez-Brocal, korrespondent i Vatikanit për të përditshmen spanjolle ABC dhe Z. Josef Pazderka, kryeredaktor i 膶eský rozhlas Plus, radios shtetërore çeke. Pjesëmarrësit në takim patën mundësinë të diskutonin së bashku çështje të tjera dhe të shkëmbenin përvojat. Programi përfshiu çaste kulturore dhe kremtimin e meshëve. Takimi i radhës i përgjegjësve kombëtarë të komunikimit kishtar është planifikuar për 5-7 maj 2026.
