Ipeshkvijt? evropian? luten p?r paqe n? Ukrain? dhe n? Tok?n Shenjte
R.SH. – Vatikan
Nga e Mërkura e Përhime e gjatë gjithë Kreshmëve, Kisha në Evropë mblidhet rreth tryezës eukaristike që të lutet për paqen. Sipas vendimit të marrë nga Këshilli i Konferencave Ipeshkvnore Evropiane (CCEE), të gjithë anëtarët - pra, edhe ipeshkvijtë në trevat shqiptare - duhet të organizojnë të paktën një meshë, ku besimtarët të luten për viktimat e luftës dhe t’i kërkojnë Zotit "një paqe të drejtë dhe të qëndrueshme, veçanërisht për Ukrainën dhe Tokën Shenjte".
Shenjë shprese për Evropën
Ky lloj "Zinxhiri Eukaristik" – siç e kanë quajtur – ka për qëllim të bëhet përvojë bashkimi dhe shenjë e dukshme shprese për të gjithë kontinentin evropian; kohë lutjeje, agjërimi dhe lëmoshe “për t'u ndierë të gjithë vëllezër dhe për t’iu lutur Hyjit që t'i japë fund luftës”.
Thirrje që të lutemi për Papën
Në këto ditë vuajtjeje dhe sëmundjeje, shkruajnë së fundi ipeshkvijtë evropianë, përsërisim thirrjen tonë që të lutemi për shëndetin e Papës Françesku.
