Imzot Meta: fal毛nderojm毛 Zotin p毛r 12-vjet sh毛rbese t毛 Papa Fran莽eskut dhe p毛r d毛shmin毛 e tij
R.SH. / Vatikan
Kryetari i Konferencës Ipeshkvore të Kishës katolike të Shqipërisë, e ipeshkvi i Rrëshenit, imzot Gjergj Meta uron Papa Françeskun në 12-vjetorin e shërbesës pjetrine dhe i lutet Zotit ta bekojë, në mënyrën më shumë i pëlqen Zotin, dhe Nanës së Këshillit të Mirë, pajtores qiellore të Shqipërisë ta mbrojë gjithmonë. Në mikrofonin e Radio Vatikanit 鈥� Vatican News, imzot Gjergj Meta përshkon pontifikatin e Atit të Shenjtë Bergoglio, mësimet e tij të çmueshme e dhuratat e shumta për Kishën dhe shoqërinë e familjes njerëzore. Ta dëgjojmë imzot Gjergj Metën:
Janë 12 vjet të shërbese pjetrine të dendur, shumë aktive, shumë e fortë, shumë këmbëngulëse e Papa Françeskut. Ati I Shenjtë ngjalli te Kisha dëshirën që t鈥檌 drejtohet më së shumti atyre periferive ekzistenciale dhe gjeografike. Në fakt këtë e ka dëshmuar edhe udhëtimet e tij të shumta, sidomos në vende të largëta dhe në vende të varfra. Këtu nuk harrojmë edhe vizitën që ia bëri pikërisht në Shqipëri, më 21 shtator 2024, vendi i parë evropian që ai vizitoi.
Papa Françesku, në këto vite, ka dhënë dëshminë e një njeriu që këmbëngul dhe bënë atë beson. Na ka dhënë një mësim shumë të madh në promovimin e vëllazërisë sëpërgjithshme njerëzore edhe me nënshkrimin e dokumentit të Abu Dabit mbi vëllazërimin njerëzor për paqen dhe bashkëjetesën botërore, nënshkruar më 4 shkurt 2019. Në përgjithësi këmbëngulja e tij për një vëllazëri të gjithë njerëzve. Po ashtu edhe promovimi tij dhe ngritja e zërit për paqen dhe kundër luftës e armatimeve edhe në konfliktet e kohëve të fundit në Ukrainë e në Gaza.
Është për tu nënvizuar se ky Papë ndriti në nivelin e diskutimit teologjik edhe mbrojtjen e ambientit. Pra, vërtet, janë të shumta gjërat që na ka dhuruar e ofruar Papa. Do të doja të evidentoja, në mënyrë të veçantë, dhuratën e kohëve të fundit që na bërë, e që është Sinodi mbi sinodalitetin, për një Kishë sinodale, misionare dhe të mëshirshme.
Pastaj, pas Sinodit të fundit, nga kemi edhe një reflektim në enciklikën e tij të fundit "Dilexit Nos", kushtuar dashurisë hyjnore të Zemrës së Krishtit, që në një farë mënyre shpreh esencën e pontifikatit të tij. Françesku nuk është një Papë vetëm në një dimension horizontal, për varfrit në dimensionet sociale, problemi i vëllazërisë së përgjithshme, apo çështja e luftës, e paqes, e ekologjisë etj..
Në të vërtet, me këtë letër enciklikë "Dilexit Nos", Papa duket sikur e kompletojë idenë e thelbin e pontifikatit të tij duke ia besuar gjithë Kishën Zemrës së Krishtit dhe duke nxitur kultin e dashurisë Hyjnore të Zemrës së Krishtit.
Së fundi, e kemi parë Papën që na ka dëshmuar edhe forcën, qëndresën dhe qetësinë e tij përgjatë këtyre ditëve të sëmundjes së tij në poliklinikën Ligemi. Dëshmia e Papa Françeskut është një dhuratë. Ne jemi lutur dhe vazhdojmë të lutemi çdo ditë për të, në mënyrë që Zoti i Jetës ta ndihmojë, t鈥檌 qëndrojë pranë që ai ta ushtrojë shërbesën pjetrine, në mënyrën më shumë i pëlqen Zotin.
