Mokanda ya episkopo liboso ya mobulu ebele na Colombie
Jean-René B.-Kinshasa
Biloko misato bizalaki ba mitambo bipanzanaki na bolandani na etuka ya Cali. Na mokolo sé moko, bato koleka zomi bazokaki na motambo ya motuka to na bobetani masasi na bisika mibale ya sudi-ouesti ya Colombie.
Liboso âte eye ya mabé ekoma, episkopo ya Cali abengaki mokolo ya yambo ya 9 ya sanza ya motoba lisanga pe bakambi ya ekolo na bosukisi bomati ya mobulu.
Babomi bato 1232
âLikambo ya mawa ya mobulu pe ya liwa ezali na ekolo na biso kobanda ba mibu ebeleâ, elobaki Mgr Luis Fernando Rodriguez Velásquez, pe mingi na etando na ye epayi wapi bituluku ya bato na mandoki bazali kobunda na bilanga ya coca pe na mombongo ya cocaïne. Likambo ya pasi koleka, esembolaki episkopo, na bopesi mituya, na mokanda na ye. âUta sanza ya yambo ya mobu moye, bato ya Colombie 2.437 bakufi na mobulu, kati na bango 1.232 babomi bango pe 231 bamipesi liwaâ. Amoni lisusu bomati ya bobomi basi pe mobulu epayi ya lisanga ya LGBT.
Kokutanisa bolingo na mobulu
Mgr Rodríguez Velásquez alobi lisusu na mokanda na ye âte bitumba bizali na lisapo ya mokili, úta bobomi ya Kaïna na ndeko na ye Abel kino bitumba ya sikâoyo. Kasi, alobi âte Yezu ya Nazarete apesa nzela mosusu: âNa mosala na ye ya bopanzi nsango elamu Yezu akobeta nsete na mobéko ya bolingo. Mobéko mwa ngai mwango moye: bolinganaka bino na bino lokola ngai nakolingaka bino (Yoane 15,12)â. Nsango eye ya kimia pe ya bolimbisi etikali na ntina na eleko biye ya pasi, elimbolaki ye.
Kisi ya mapa po na bomoko
Epsikopo ya Cali akotalisa lokola maloba ya Pápa Léon ya Zomi na Minei oyo, na ebandeli ya mosala na ye ya mokitani ya Petelo, alobaki âte âna mikolo na biso, tozali komona lisusu bokabwani, pasi ya koleka biwuti na boyinani, na mobulu pe na makanisi mabéâ. Mgr Rodríguez Velásquez akobianga bana ya Colombie banso ya kozala âkisi ya mapa ya moké ya bomoko, ya lisanga pe ya bondekoâ pe ya âkoyamba kimia ya Kristu asekwiâ, oyo azali âkimia moko ezanga mondoki pe kimia moko ekobotola mondoki, ya bomikitisi pe ya molendeâ, engebene na liloba ebimaki epayi ya Pápa Léon ya Zomi na Minei na pokwa ya boponami na ye na ebonga ya Petelo
Na maboko ya Maria
Liboso ya pasi, episkopo ya Cali akobenga koyamba Maria lokola Mama, pamba âte akobondo baye bazali koyoka pasi ya lolenge ebele, lokola sikâoyo na Colombie pe na mokili mobimba. âAzali mwasi moko makasi eye akotambola elongo na Eklezia o eleko ebotamaki na losambo, na bolendisi ye ya kozala na lobòko na Mwana na ye pe ya kobwaka elikya ata soki moke teâ, elobaki ye.
Episkopo asukisi mokanda na ye na bolobi lisusu âte âmoto moko te esengeli amona âte balongoli ye na bolingo ya Nzambe, pe tosengeli banso koyika mpiko na botali pamba bokesani na botosi pe na botiyi motemaâ.