ಸುಡಾನ್ ಮಾನವೀಯ ಬಿಕ್ಕಟ್ಟನ್ನು ಎದುರಿಸುತ್ತಿದ್ದು, ತಕ್ಷಣ ಕ್ರಮ ಕೈಗೊಳ್ಳುವಂತೆ ವಿಶ್ವಸಂಸ್ಥೆ ಒತ್ತಾಯಿಸಿದೆ
ನಾಥನ್ ಮಾರ್ಲಿ
ಸುಮಾರು ಎರಡು ವರ್ಷಗಳ ಕಾಲ, ನಿರಂತರ ಸಂಘರ್ಷಕ್ಕೆ ಒಳಗಾಗಿರುವ ಸುಡಾನ್ನಲ್ಲಿನ ಮಾನವೀಯ ಬಿಕ್ಕಟ್ಟನ್ನು ಪರಿಹರಿಸಲು ತುರ್ತು ಕ್ರಮ ಕೈಗೊಳ್ಳುವಂತೆ ವಿಶ್ವಸಂಸ್ಥೆಯ ಮಾನವೀಯ ವ್ಯವಹಾರಗಳ ಸಮನ್ವಯ ಕಚೇರಿಗೆ (OCHA) ಕರೆ ನೀಡಿದೆ.
ಸುಡಾನ್ ಸಶಸ್ತ್ರ ಪಡೆಗಳು (SAF) ಮತ್ತು ಅರೆಸೈನಿಕ ಕ್ಷಿಪ್ರ ಬೆಂಬಲ ಪಡೆಗಳ (RSF) ನಡುವೆ ನಡೆಯುತ್ತಿರುವ ಸಂಘರ್ಷವು ಅಪಾರ ನೋವನ್ನುಂಟುಮಾಡಿದೆ ಎಂದು ಗಮನಿಸಿ, OCHA ದ ಎಡೆಮ್ ವೊಸೊರ್ನುರವರು ಹಸ್ತಕ್ಷೇಪದ ತೀವ್ರ ಅಗತ್ಯವನ್ನು ಒತ್ತಿ ಹೇಳಿದರು.
ದೇಶದ ಜನಸಂಖ್ಯೆಯ ಅರ್ಧಕ್ಕಿಂತ ಹೆಚ್ಚು ಜನರು, ಅಂದರೆ ಸರಿಸುಮಾರು 24.6 ಮಿಲಿಯನ್ ಜನರು, ತೀವ್ರ ಹಸಿವನ್ನು ಅನುಭವಿಸುತ್ತಿದ್ದಾರೆ ಎಂದು ವೊಸೊರ್ನುರವರು ಎತ್ತಿ ತೋರಿಸಿದರು.
ಹೆಚ್ಚುವರಿಯಾಗಿ, 12 ಮಿಲಿಯನ್ಗಿಂತಲೂ ಹೆಚ್ಚು ಜನರು ಈಗ ಸ್ಥಳಾಂತರಗೊಂಡಿದ್ದಾರೆ, 3.4 ಮಿಲಿಯನ್ ಜನರು ಗಡಿಯನ್ನು ದಾಟಿ ಪಲಾಯನ ಮಾಡಿದ್ದಾರೆ.
ಸಂಘರ್ಷವು ಆರೋಗ್ಯ ಸೇವೆಗಳ ಕುಸಿತಕ್ಕೆ, ಲಕ್ಷಾಂತರ ಮಕ್ಕಳು ಶಾಲೆಯಿಂದ ಹೊರಗುಳಿಯಲು ಮತ್ತು ವ್ಯಾಪಕ ಲೈಂಗಿಕ ಹಿಂಸಾಚಾರಕ್ಕೆ ಕಾರಣವಾಗಿದೆ.
ದೇಶಾದ್ಯಂತ ಹಿಂಸಾಚಾರ ಮುಂದುವರೆದಿದೆ
ಝಮ್ಝಮ್ ಸ್ಥಳಾಂತರ ಶಿಬಿರ ಮತ್ತು ಖಾರ್ಟೌಮ್ ಹಾಗೂ ದಕ್ಷಿಣ ಪ್ರದೇಶಗಳು ಸೇರಿದಂತೆ ಉತ್ತರ ಡಾರ್ಫರ್ ರಾಜ್ಯದಲ್ಲಿ ಆತಂಕಕಾರಿ ಬೆಳವಣಿಗೆಗಳ ಬಗ್ಗೆ ವೊಸೊರ್ನುರವರು ಗಮನಸೆಳೆದರು.
ಎಂಟು ತಿಂಗಳ ಹಿಂದೆ ಆರ್ಎಸ್ಎಫ್ ರಾಜ್ಯ ರಾಜಧಾನಿ ಎಲ್ ಫಾಷರ್ ನ್ನು ಮುತ್ತಿಗೆ ಹಾಕುವುದನ್ನು ನಿಲ್ಲಿಸಬೇಕೆಂದು ಒತ್ತಾಯಿಸಿದ ವಿಶ್ವಸಂಸ್ಥೆಯ ನಿರ್ಣಯವನ್ನು 2739 (2024) ಅಂಗೀಕರಿಸಿದರೂ, ಉತ್ತರ ಡಾರ್ಫರ್ನಲ್ಲಿರುವ ನಾಗರಿಕರು ದಾಳಿಗೆ ಒಳಗಾಗಿದ್ದಾರೆ.
ಝಮ್ಝಮ್ ಶಿಬಿರ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಹಿಂಸಾಚಾರ ತೀವ್ರಗೊಂಡಿದ್ದು, ಭಾರೀ ಶಸ್ತ್ರಾಸ್ತ್ರಗಳ ಬಳಕೆ ಮತ್ತು ಮುಖ್ಯ ಮಾರುಕಟ್ಟೆ ಸೌಲಭ್ಯಗಳ ನಾಶವನ್ನು ದೃಢಪಡಿಸಿವೆ. ಲಕ್ಷಾಂತರ ನಾಗರಿಕರು ಶಿಬಿರದಲ್ಲಿ ಬರಗಾಲದ ಪರಿಸ್ಥಿತಿಯಲ್ಲಿ ವಾಸಿಸುತ್ತಿದ್ದಾರೆ.
ಹದಗೆಡುತ್ತಿರುವ ಭದ್ರತಾ ಪರಿಸ್ಥಿತಿಯಿಂದಾಗಿ ಮೆಡೆಸಿನ್ಸ್ ಸಾನ್ಸ್ ಫ್ರಾಂಟಿಯರ್ಸ್ (MSF) ಝಮಝಮ್ ಶಿಬಿರದಲ್ಲಿ ತನ್ನ ಕಾರ್ಯಾಚರಣೆಯನ್ನು ನಿಲ್ಲಿಸಬೇಕಾಯಿತು.
ವಿಶ್ವ ಆಹಾರ ಕಾರ್ಯಕ್ರಮ (WFP) ತನ್ನ ರಸೀದಿ ಆಧಾರಿತ ಆಹಾರ ಸಹಾಯ ವ್ಯವಸ್ಥೆಯನ್ನೂ ಸಹ ಸ್ಥಗಿತಗೊಳಿಸಿತು.
ತಕ್ಷಣದ ಸಹಾಯವಿಲ್ಲದೆ, ಮುಂಬರುವ ವಾರಗಳಲ್ಲಿ ಸಾವಿರಾರು ಜನರು ಹಸಿವಿನಿಂದ ಸಾಯಬಹುದು ಎಂದು ವಿಶ್ವಸಂಸ್ಥೆಯ ಸಂಸ್ಥೆ ಎಚ್ಚರಿಸಿದೆ.
