ಪೋಪ್ ಲಿಯೋ: ಯುದ್ಧಕ್ಕೆ ಮುಗ್ಧರು ಬಲಿಯಾಗುತ್ತಿದ್ದಾರೆ
ವರದಿ: ವ್ಯಾಟಿಕನ್ ನ್ಯೂಸ್
ಸಾಂತಾ ಮಾರಿಯಾ ಡಿ ಗ್ಯಾಲೇರಿಯಾ ಪ್ರಸರಣ ಕೇಂದ್ರಕ್ಕೆ ಭೇಟಿ ನೀಡಿದ ಕೊನೆಯಲ್ಲಿ, ಪೋಪ್ ಲಿಯೋ XIV ಅವರು ಇಟಲಿಯ Tg1 ಸುದ್ದಿಗೆ ನೀಡಿದ ಸಂದರ್ಶನದಲ್ಲಿ ವ್ಯಾಟಿಕನ್ ರೇಡಿಯೋ, ವಿಶೇಷವಾಗಿ ದೂರದ ಪ್ರದೇಶಗಳನ್ನು ತಲುಪುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತಿದೆ ಎಂದು ಒತ್ತಿ ಹೇಳಿದರು.
"ಶಾಂತಿಗಾಗಿ ಈ ಮನವಿಯನ್ನು ನಾನು ನವೀಕರಿಸಲು ಬಯಸುತ್ತೇನೆ. ಶಸ್ತ್ರಾಸ್ತ್ರಗಳ ಬಳಕೆಯನ್ನು ತಪ್ಪಿಸಲು ನಾವು ಸಾಧ್ಯವಿರುವ ಎಲ್ಲವನ್ನೂ ಮಾಡಬೇಕು" ಎಂದು ಪೋಪ್ ಹೇಳಿದರು. ಇವುಗಳಿಗೆ ಬದಲಾಗಿ ಅವರು "ರಾಜತಾಂತ್ರಿಕ ವಿಧಾನಗಳ ಮೂಲಕ" ಸಂವಾದಕ್ಕೆ ಕರೆ ನೀಡಿದರು ಮತ್ತು "ಸಾಯುತ್ತಿರುವ ಅನೇಕ ಮುಗ್ಧ ಜನರ" ದುರಂತಕ್ಕೆ "ಪರಿಹಾರಗಳನ್ನು ಕಂಡುಹಿಡಿಯಲು" ಸಾಮೂಹಿಕ ಪ್ರಯತ್ನದ ಅಗತ್ಯವನ್ನು ಒತ್ತಿ ಹೇಳಿದರು.
1957 ರಲ್ಲಿ ಪೋಪ್ ಹನ್ನೆರಡನೇ ಭಕ್ತಿನಾಥರು ಸ್ಥಾಪಿಸಿದ ಮತ್ತು ಈಗ ಹವಾಮಾನ ಬದಲಾವಣೆಯ ಸವಾಲುಗಳನ್ನು ಎದುರಿಸುವಲ್ಲಿ ಪಾತ್ರ ವಹಿಸಲು ಸಿದ್ಧವಾಗಿರುವ ವ್ಯಾಟಿಕನ್ ರೇಡಿಯೊದ ಶಾರ್ಟ್ವೇವ್ ಪ್ರಸರಣ ಕೇಂದ್ರದ ಇತಿಹಾಸ ಮತ್ತು ಭವಿಷ್ಯದ ಬಗ್ಗೆ ಪೋಪ್ ಲಿಯೋ ಚಿಂತನೆ ನಡೆಸಿದರು.
"ನನಗೆ ಈ ಕೇಂದ್ರದ ಬಗ್ಗೆಯಾಗಲಿ ಅಥವಾ ವ್ಯಾಟಿಕನ್ ರೇಡಿಯೊ ಆಂಟೆನಾಗಳ ಬಗ್ಗೆಯಾಗಲಿ ಪರಿಚಯವಿರಲಿಲ್ಲ" ಎಂದು ಅವರು ಹಂಚಿಕೊಂಡರು, ಲ್ಯಾಟಿನ್ ಅಮೆರಿಕಾದಲ್ಲಿ ಮಿಷನರಿಯಾಗಿದ್ದ ಸಮಯದಲ್ಲಿ ಈ ಕೇಂದ್ರವು ಅವರಿಗೆ ವೈಯಕ್ತಿಕವಾಗಿ ಎಷ್ಟು ಮೌಲ್ಯಯುತವಾಗಿತ್ತು ಎಂಬುದನ್ನು ಅವರು ಹಂಚಿಕೊಂಡರು. "ಬೇರೆ ಯಾವುದೇ ಪ್ರವೇಶವಿಲ್ಲದ ಪರ್ವತಗಳಲ್ಲಿಯೂ ಸಹ." ಒಂದು ಸಣ್ಣ ರೇಡಿಯೊದೊಂದಿಗೆ, ಅವರು ಆಗಾಗ್ಗೆ ವ್ಯಾಟಿಕನ್ ರೇಡಿಯೊದ ಶಾರ್ಟ್ವೇವ್ ಪ್ರಸಾರಗಳನ್ನು ಕೇಳುತ್ತಿದ್ದರು.
ಈಗ, ಸಾಂತಾ ಮಾರಿಯಾ ಡಿ ಗ್ಯಾಲೇರಿಯಾ ಕೇಂದ್ರವು ಪೋಪ್ ಫ್ರಾನ್ಸಿಸ್ ಅವರು ಹಾಕಿಕೊಟ್ಟ ಹಾದಿಯಲ್ಲಿ ಮುಂದುವರಿಯುತ್ತಿದೆ, ಅವರು ಒಂದು ವರ್ಷದ ಹಿಂದೆ ಮೋಟು ಪ್ರೊಪ್ರಿಯೊ ಫ್ರಾಟೆಲ್ಲೊ ಸೋಲ್ ಜೊತೆಗೆ , ವ್ಯಾಟಿಕನ್ಗೆ ಇಂಧನ ಸ್ವಾವಲಂಬನೆಯನ್ನು ಸಾಧಿಸಲು ಸಹಾಯ ಮಾಡಲು ಸೈಟ್ ಅನ್ನು ಕೃಷಿ ವೋಲ್ಟಾಯಿಕ್ ವ್ಯವಸ್ಥೆಯೊಂದಿಗೆ (ಸೌರ ಫಲಕಗಳು) ಸಜ್ಜುಗೊಳಿಸಬೇಕೆಂದು ನಿರ್ದೇಶಿಸಿದರು ಎಂದು ಪೋಪ್ ಲಿಯೋ ಅವರು ಈ ಹೊತ್ತಿನಲ್ಲಿ ನೆನಪಿಸಿಕೊಂಡಿದ್ದಾರೆ.
