MAP

ವಿಶ್ರಾಂತ ರಾತ್ರಿಯನ್ನು ಕಳೆದ ಪೋಪ್; ಆಧ್ಯಾತ್ಮಿಕ ಕಾರ್ಯಕ್ರಮಗಳ ವೀಕ್ಷಣೆ

ಪೋಪ್ ಫ್ರಾನ್ಸಿಸ್ ಅವರು ರೋಮ್ ನಗರದ ಜೆಮೆಲ್ಲಿ ಆಸ್ಪತ್ರೆಯಲ್ಲಿ ಮತ್ತೊಂದು ರಾತ್ರಿಯನ್ನು ಕಳೆದಿದ್ದಾರೆ. ಈ ವೇಳೆ ಅವರು ಚೇತರಿಸಿಕೊಳ್ಳುತ್ತಿದ್ದು, ಫಾದರ್ ರಾಬರ್ಟ್ ಪಸೋಲಿನಿ ಅವರ ಆಧ್ಯಾತ್ಮಿಕ ಪ್ರಬೋಧನೆಯನ್ನು ಆಲಿಸಿದ್ದಾರೆ ಎಂದು ವ್ಯಾಟಿಕನ್ ಮಾಧ್ಯಮ ಕಚೇರಿಯು ವರದಿ ಮಾಡಿದೆ.

ವರದಿ: ವ್ಯಾಟಿಕನ್ ನ್ಯೂಸ್

ಪೋಪ್ ಫ್ರಾನ್ಸಿಸ್ ಅವರು ರೋಮ್ ನಗರದ ಜೆಮೆಲ್ಲಿ ಆಸ್ಪತ್ರೆಯಲ್ಲಿ ಮತ್ತೊಂದು ರಾತ್ರಿಯನ್ನು ಕಳೆದಿದ್ದಾರೆ. ಈ ವೇಳೆ ಅವರು ಚೇತರಿಸಿಕೊಳ್ಳುತ್ತಿದ್ದು, ಫಾದರ್ ರಾಬರ್ಟ್ ಪಸೋಲಿನಿ ಅವರ ಆಧ್ಯಾತ್ಮಿಕ ಪ್ರಬೋಧನೆಯನ್ನು ಆಲಿಸಿದ್ದಾರೆ ಎಂದು ವ್ಯಾಟಿಕನ್ ಮಾಧ್ಯಮ ಕಚೇರಿಯು ವರದಿ ಮಾಡಿದೆ.

ಪೋಪ್ ಅವರ ಕ್ಲಿನಿಕಲ್ ಚಿತ್ರದ ಸಂಕೀರ್ಣತೆ ಮತ್ತು ಆಸ್ಪತ್ರೆಗೆ ದಾಖಲಾಗುವ ಸಮಯದಲ್ಲಿ ಇದ್ದ ತೀವ್ರವಾದ ಸೋಂಕನ್ನು ಗಮನಿಸಿದರೆ, "ಆಸ್ಪತ್ರೆಯಲ್ಲಿ ಸ್ವಲ್ಪ ಸಮಯದವರೆಗೆ ಔಷಧೀಯ ಚಿಕಿತ್ಸೆಯನ್ನು ಮುಂದುವರಿಸುವುದು ಇನ್ನೂ ಅಗತ್ಯವಾಗಿರುತ್ತದೆ" ಎಂದು ವ್ಯಾಟಿಕನ್ ಮಾಧ್ಯಮ ವರದಿಯು ವಿವರಿಸಿದೆ.

ಪೋಪ್ ಫ್ರಾನ್ಸಿಸ್ ಅವರು ಕೂರಿಯಾದ ಆಧ್ಯಾತ್ಮಿಕ ಕ್ರಮಗಳನ್ನು ವಿಡಿಯೋ ಮೂಲಕ ವೀಕ್ಷಿಸುವ ಮೂಲಕ, ಕೂರಿಯಾದ ಇತರ ಸದಸ್ಯರೊಂದಿಗೆ ಐಕ್ಯಮತ್ಯವನ್ನು ವ್ಯಕ್ತಪಡಿಸಿದ್ದಾರೆ. ಭಾನುವಾರ ಮಧ್ಯಾಹ್ನ ಪೋಪ್ ಆರನೇ ಪೌಲರ ಸಭಾಂಗಣದಲ್ಲಿ ಈ ಆಧ್ಯಾತ್ಮಿಕ ಕ್ರಮಗಳನ್ನು ಪೋಪರ ನಿವಾಸದ ಅಧಿಕೃತ ಪ್ರಬೋಧಕರಾಗಿರುವ ಕಪುಚಿನ್ ಸಭೆಯ ಫಾದರ್ ರೊಬೆರ್ತೊ ಪಸೋಲಿನಿ ಅವರು ಆರಂಭಿಸಿದ್ದಾರೆ.

ವಿಶ್ವಗುರುಗಳ ನಿವಾಸದ ಅಧಿಕೃತ ಪ್ರಬೋಧಕರಾಗಿರುವ ಫಾದರ್ ರೊಬೆರ್ತೊ ಪಸೋಲಿನಿ ಅವರು ತಪಸ್ಸುಕಾಲದ ಪ್ರಬೋಧನಾ ಸರಣಿಯನ್ನು ಮುಂದುವರೆಸಿದ್ದಾರೆ.

12 ಮಾರ್ಚ್ 2025, 16:46