Кардынал Арціме – новы прадстаўнік Папы ў Асізі
Аляксандр Амяльчэня - Vatican News
Раней гэтую функцыю выконваў 85-гадовы кардынал Агасціна Валіні.
Папа Грыгорый IX падпарадкаваў базіліку святога Францішка непасрэдна Пантыфіку булай "Is qui Ecclesiam" ад 22 красавіка 1230 года, надаўшы ёй тытул "Caput et Mater" (Галава і Маці) Францішканскага ордэна. Бэнэдыкт XIV узвёў яе ў ранг патрыяршай базілікі, а Папа Павел VI прызначыў для базілікі кардынала-легата, упаўнаважанага ажыццяўляць ад імя Пантыфіка юрысдыкцыю.
Статус быў істотна зменены Бэнэдыктам XVI, які 9 лістапада 2005 года рэфармаваў кіраванне асізскімі святынямі "для забеспячэння больш эфектыўнага супрацоўніцтва паміж дзейнасцю, якая вядзецца як у Базіліцы Святога Францішка (з прылеглым Святым кляштарам), так і ў Базіліцы Святой Марыі ад Анёлаў (з далучаным кляштарам) і душпастырствам дыяцэзіі Асізі-Ночэра Умбра-Гуальда Тадзіна".
Гэты Папа надаў біскупу Асізі "юрысдыкцыю, прадугледжаную законам, над касцёламі і законнымі дамамі ў адносінах да ўсёй душпастырскай дзейнасці", якая праводзіцца ў абедзвюх базіліках і звязаных з імі кляштарах.
Кардынал Арціме, які паходзіць з кангрэгацыі салезіянаў, будзе мець задачу ўмацоўваць сваім аўтарытэтам цесныя сувязі паміж гэтымі святымі месцамі і Апостальскай Сталіцай.
