Святы Пасад рыхтуецца да Сусветнага дня дзяцей 2026 года
Аляксандр Амяльчэня - Vatican News
Мерапрыемства ў Палацы Сан-Каліста ў Рыме арганізаваў Папскі камітэт па Сусветным дні дзяцей у рамках Юбілею сем'яў.
Айцец Энца Фартуната, старшыня Папскага камітэта па Сусветным дні дзяцей, падкрэсліў сувязь паміж Папам Францішкам і Папам Львом XIV. "Францішак пытаўся пры запуску платформы “Laudato si':” якую будучыню мы хочам даць нашым дзецям? Леў XIV, якраз у гэтыя гадзіны, нагадаў нам крык болю, які ўзносіцца да неба з Газы ад бацькоў, якія прыціскаюць да сябе пазбаўленае жыцця цела сваіх дзяцей", - заявіў ён.
Манах адзначыў, што Сусветны дзень з'яўляецца "прарочай інтуіцыяй, якая закранае нават тых, хто не верыць". Ён падкрэсліў, што ўвага да дзяцей "пераважае любую рэлігійную, культурную, палітычную прыналежнасць".
"Касцёл хоча стаць інтэрпрэтатарам мар і патрэб дзяцей. Асабліва пасля жудасных і трагічных гадоў, звязаных з гвалтам над непаўналетнімі", - сказаў Фартуната. Ён падкрэсліў, што менавіта дзеці “паказваюць нам дарогу да разумення таго, як жыць верай – верай, якая з'яўляецца даверам, захапленнем, здольнасцю быць разам".
