Католікі Святой Зямлі патрабуюць абароны хрысціян у Сірыі
Аляксандр Амяльчэня - Vatican News
"Няма ніякага апраўдання – рэлігійнага, маральнага ці рацыянальнага – для забойства нявінных людзей, тым больш у святым месцы," - падкрэсліваюць каталіцкія іерархі, адзначаючы, што гэта "непасрэдны замах на права практыкаваць культ у міры і бяспецы".
Іерархі нагадваюць словы з Дакумента аб чалавечым братэрстве, які сцвярджае, што "абарона месцаў культу – сінагог, храмаў і мячэцяў – з'яўляецца абавязкам, гарантаваным рэлігіямі, чалавечымі каштоўнасцямі, правам і міжнароднымі пагадненнямі".
"Заклікаем сірыйскія ўлады прыняць усе неабходныя меры для забеспячэння абароны і свабоды хрысціян ва ўсёй краіне," - гаворыцца ў заяве.
Каталіцкія біскупы выказваюць спачуванні Праваслаўнаму Патрыярхату Антыёхіі і салідарнасць з усімі хрысціянскімі супольнасцямі ў Сірыі, "якія гадамі зведваюць пераслед, а цяпер зноў ахоплены страхам".
