Кошта пра візіт у Ватыкан: натхняльная размова пра мір з Папам
Аляксандр Амяльчэня - Vatican News
Паводле слоў партугальскага палітыка, падчас сустрэчы адбылася "вельмі натхняльная дыскусія" аб тым, як найлепш дасягнуць міру ў свеце, асабліва ва Украіне, Газе і іншых рэгіёнах, ахопленых канфліктамі.
"Мы павінны працягваць вырашаць глабальныя праблемы, такія як змены клімату, змяншэнне няроўнасці і годнасць працы", - падкрэсліў Кошта ў сваім паведамленні. Палітык таксама выказаў спадзяванне на плённае супрацоўніцтва Еўрасаюза і Апостальскай Сталіцы “дзеля агульнага дабра".
Варта нагадаць, што Савет Еўропы з'яўляецца міжнароднай арганізацыяй, якая спрыяе супрацоўніцтву ў галіне стандартаў правоў чалавека, дэмакратычнага развіцця і вяршэнства закона ў Еўропе. Антоніу Кошта ўзначальвае гэтую арганізацыю з 2024 года.
Сустрэча з Папам Львом XIV адбылася ў кантэксце пошуку новых шляхоў вырашэння міжнародных канфліктаў і ўмацавання міжнародных інстытутаў для забеспячэння стабільнасці і міру.
