Пантыфік: памятаць пра дзяцей з краін, ахопленых вайной
Аляксандр Панчанка - Vatican News
Пантыфік адзначыў, што 10 верасня ў Польшчы адзначаецца Нацыянальны дзень польскіх дзяцей вайны, падчас якога ўшаноўваюцца іх цярпенні і ўклад у адбудову краіны пасля Другой сусветнай вайны.
“Памятайце ў сваіх малітвах і гуманітарных праектах таксама пра дзяцей з Украіны, Газы і іншых рэгіёнаў свету, якія церпяць ад вайны. Давяраю вас і дзяцей, якія сёння пакутуюць, апецы Марыі, Каралевы супакою, і ад усяго сэрца благаслаўляю вас”, - сказаў Папа польскім пілігрымам.
Леў XIV прывітаў таксама арабамоўных вернікаў, у прыватнасці тых, што прыбылі са Святой Зямлі. “Заклікаю вас перамяняць ваш крык у хвіліны выпрабаванняў і цяжкасцяў у даверлівую малітву, бо Бог заўсёды слухае сваіх дзяцей і адказвае ў той момант, які лічыць найлепшым для нас. Няхай Пан благаславіць вас усіх і заўсёды бароніць ад усякага зла!”, - пажадаў Святы Айцец.
