Святы Айцец заклікаў Рыцараў Калумба быць знакамі надзеі
Марыя Валодзіна - Vatican News
Папа нагадаў, што з’езд адбываецца ў асаблівы час – Юбілейны год надзеі. Цытуючы Папу Францішка, ён назваў надзею "жаданнем і чаканнем чагосьці добрага, нягледзячы на тое, што мы не ведаем, што можа прынесці будучыня".
"Езус Хрыстус – крыніца нашай надзеі", - сцвердзіў Святы Айцец, нагадаўшы рыцарам, што кожнае пакаленне хрысціян заклікана абвяшчаць Евангелле як словам, так і справай. Ён падкрэсліў важнасць быць знакамі надзеі, асабліва для тых, хто сутыкаецца з цяжкасцямі.
Пантыфік падкрэсліў важнасць духоўнай і сацыяльнай спадчыны заснавальніка супольнасці, благаслаўлёнага Майкла МакГіўні. Ён адгукнуўся на патрэбы католікаў-імігрантаў і бедных людзей, якія сутыкаліся з цяжкасцямі ў канцы XIX стагоддзя. Сёння распачатая ім місія братэрскай дабрачыннасці працягваецца дзякуючы дзейнасці мясцовых арганізацый “Рыцараў Калумба” па ўсім свеце.
Па словах Папы, тэма сёлетняй асамблеі – "Веснікі надзеі” (Heralds of Hope) – заклікае рыцараў быць актыўнымі сведкамі веры ў сваіх парафіях, супольнасцях і сем’ях. Папа падзякаваў ордэну за малітвы, фармацыю і служэнне, а таксама за сацыяльную дзейнасць, асабліва за падтрымку цяжарных жанчын, дзяцей, бедных і тых, хто пацярпеў ад вайны.
Напрыканцы паслання Леў XIV благаславіў удзельнікаў мерапрыемства, пажадаўшы ім плённай працы і даручыўшы іх намаганні заступніцтву Найсвяцейшай Панны Марыі і благаслаўлёнага Майкла МакГіўні.
