Леў XIV сустрэўся з Мітрапалітам Антоніем
26 ліпеня 2025 года Святы Айцец прыняў на аўдыенцыі ў Ватыкане Мітрапаліта Валакаламскага, старшыню Аддзела знешніх царкоўных сувязяў Маскоўскага Патрыярхата.
Марыя Валодзіна – Vatican News
Гэта першая сустрэча Льва XIV з рускім праваслаўным іерархам.
Як паведаміла ў сваім штодзённым бюлетэні Зала Друку Святога Пасада, раніцай 26 ліпеня Папа прыняў у Ватыкане Мітрапаліта Валакаламскага Антонія, адказнага за знешнія сувязі Маскоўскага Патрыярхата. Падрабязнасці перамоў не раскрываюцца.
40-гадовы Мітрапаліт Антоній з чэрвеня 2022 года адказвае за знешнія сувязі Маскоўскага Патрыярхата. У гэтай ролі ён некалькі разоў сустракаўся з Папам Францішкам, апошні раз у ліпені 2024 года ў Ватыкане.
26 ліпеня 2025, 17:14
