Леў XIV прыняў на прыватнай аўдыенцыі Аль Пачына
Марыя Валодзіна - Vatican News
Як інфармацыйнае агенцтва ANSA, акцёр прыбыў на аўдыенцыю ў суправаджэнні прадзюсара Андрэа Ерваліна. Падчас сустрэчы гаворка ішла пра новы фільм “Maserati: The Brothers” (“Мазэраці. Браты”), у якім Аль Пачына выконвае адну з роляў. Ён стаў першай зоркай Галівуда, якую прыняў Папа з ЗША.
“Мы з вялікім гонарам паведамляем аб тым, што сёння раніцай Яго Святасць Папа Леў XIV прыняў на прыватнай аўдыенцыі дэлегацыю здымачнай групы фільма “Maserati: The Brothers”, у складзе якой быў лаўрэат прэміі "Оскар" Аль Пачына і прадзюсар карціны Андрэа Ерваліна”, - паведаміў пасля сустрэчы кінапрадзюсар.
Па словах Ерваліна, “сустрэча стала момантам глыбокага духоўнага і культурнага натхнення, у цэнтры якога былі агульныя каштоўнасці, якія ляжаць у аснове Каталіцкага Касцёла і нашага фільма: сямейнае адзінства, любоў, спачуванне і важнасць спрыяння агульнаму дабру".
Аль Пачына, якому нядаўна споўнілася 85 гадоў, прыбыў у Рым у нядзелю, 15 чэрвеня, на прыватным самалёце.
