Леў XIV правёў тэлефонную размову з Пуціным
Аляксандр Панчанка - Vatican News
“Падчас размовы, акрамя пытанняў, што ўяўляюць узаемны інтарэс, асаблівая ўвага была нададзена сітуацыі ва Украіне і тэме міру. Папа заклікаў Расію зрабіць жэст, які паспрыяе міру, і падкрэсліў важнасць дыялогу для наладжвання пазітыўных кантактаў паміж бакамі і пошуку шляхоў вырашэння канфлікту”, - паведаміў прадстаўнік Святога Пасаду.
Абмяркоўвалася таксама “гуманітарная сітуацыя, неабходнасць аказання дапамогі там, дзе яна патрэбна, пастаянныя намаганні ў справе абмену палоннымі, а таксама значэнне дзейнасці, якую ў гэтым напрамку здзяйсняе кардынал Дзупі”.
Святы Айцец падзякаваў за віншаванні Патрыярха Кірыла, атрыманыя з нагоды пачатку пантыфікату, і “падкрэсліў, што агульныя хрысціянскія каштоўнасці могуць быць святлом, якое дапамагае шукаць мір, абараняць жыццё і імкнуцца да сапраўднай рэлігійнай свабоды”.
