Святы Айцец прыняў на аўдыенцыі віцэ-прэзідэнта ЗША
Аляксандр Панчанка - Vatican News
Зала Друку Апостальскай Сталіцы паведаміла, што пасля аўдыенцыі палітык сустрэўся з арцыбіскупам Полам Рычардам Галахерам, Сакратаром па адносінах Святога Пасаду з дзяржавамі і міжнароднымі арганізацыямі.
“Падчас сардэчнай размовы ў Дзяржаўным сакратарыяце была пацверджана задаволенасць добрымі двухбаковымі адносінамі, абмяркоўвалася супрацоўніцтва паміж Касцёлам і дзяржавай, а таксама шэраг пытанняў, што маюць асаблівае значэнне для касцёльнага жыцця і рэлігійнай свабоды”, - гаворыцца ў афіцыйным камюніке.
Адзначаецца, што таксама адбыўся абмен меркаваннямі адносна “некаторых актуальных міжнародных праблем, у прыватнасці была падкрэслена неабходнасць павагі да гуманітарнага і міжнароднага права ў зонах канфліктаў і пошуку ўзгодненага рашэння паміж зацікаўленымі бакамі”.
У склад афіцыйнай дэлегацыі, якая наведала Ватыкан, уваходзіў таксама Дзяржсакратар ЗША Марка Рубіа. Разам з палітыкамі на аўдыенцыі ў Святога Айца быў яго старэйшы брат Луіс Прэвост.
