Стан здароўя Папы Францішка застаецца стабільным
Аляксандр Панчанка - Vatican News
“Клінічны стан Святога Айца заставаўся стабільным у параўнанні з папярэднімі днямі. Таксама і сёння ў яго не было эпізодаў дыхальнай недастатковасці. Святы Айцец працягваў рэспіраторную і рухальную фізіятэрапію, якія прыносяць карысць. Яго гемадынамічныя паказчыкі і аналізы крыві заставаліся стабільнымі. Не было павышанай тэмпературы цела. Урачы па-ранейшаму захоўваюць стрыманы прагноз”, - гаворыцца ў ватыканскім паведамленні.
Адзначаецца, што ўлічваючы стабільную клінічную карціну, наступны медыцынскі бюлетэнь будзе апублікаваны ў суботу 8 сакавіка.
“Сёння Святы Айцец прысвяціў раніцу і другую палову дня некаторым працоўным справам, чаргуючы адпачынак з малітвай. Перад абедам ён прыняў святую Камунію”, - завяршаецца камюніке.
