Ружанец у Ватыкане: малітва за Папу і мір у свеце
Аляксандр Панчанка - Vatican News
“Таксама і гэтым вечарам мы яднаемся ў малітве за Святога Айца і ў яго інтэнцыях: найперш за мір у свеце, за ўсякае дабро для свету і за асвячэнне Касцёла”, - адзначыў ватыканскі іерарх.
Ён заклікаў папрасіць Бога, каб “трываючы ў веры, мы ўзрасталі ў любові і разам ішлі да мэты шчаслівай надзеі”. Гэтыя словы арцыбіскуп Напа выказаў пасля разважання над Хвалебнымі таямніцамі, антыфоны Salve Regina, Ларэтанскай літаніі да Найсвяцейшай Панны Марыі і традыцыйнай малітвы Oremus pro Pontifice nostro Francisco.
Штодзённы Ружанец за Папу Францішка праводзіцца з 24 лютага па ініцыятыве Дзяржаўнага сакратарыята і Рымскай дыяцэзіі. У ім удзельнічаюць іерархі Рымскай курыі, святары, кансэкраваныя асобы і свецкія вернікі. Малітва адбываецца на Плошчы Святога Пятра перад копіяй старажытнага абраза Марыі, Маці Касцёла, арыгінал якога захоўваецца ў Ватыканскай базіліцы.
