Папа да біскупаў Індыі: адчыніце дзверы бедным і ўразлівым
Марыя Валодзіна - Vatican News
Канферэнцыя Каталіцкіх Біскупаў Індыі – найбуйнейшая біскупская канферэнцыя ў Азіі і чацвёртая па велічыні ў свеце. У яе склад уваходзяць 209 біскупаў з 132 дыяцэзій.
У сваім пасланні Пантыфік заклікаў Касцёл Індыі стаць "знакам надзеі" для ўсёй нацыі і адчыніць дзверы для самых бедных і ўразлівых, “каб кожны мог спадзявацца на лепшую будучыню”. Святы Айцец выказаў таксама надзею на тое, што епіскапат дапаможа мясцоваму Касцёлу рэалізаваць плён сінадальнага шляху і натхніць вернікаў стаць вучнямі-місіянерамі.
Удзельнікі пленарнай сесіі разгледзелі такія актуальныя пытанні, як пагаршэнне сітуацыі з рэлігійнай свабодай у Індыі, рост насілля супраць хрысціян і прыняцце ў 18 штатах законаў супраць навертання ў іншую веру. Яны заклікалі да салідарнасці, малітвы і падтрымкі свабоды веравызнання і тых, хто сутыкаецца з пераследам.
