Папскі інстытут вучыць свет спяваць “Regina Coeli” з Львом XIV
Аляксандр Амяльчэня - Vatican News
З Папам Львом XIV навучыцца спяваць па-лацінску цяпер можа кожны жадаючы. Рэктар Папскага інстытута сакральнай музыкі айцец Роберт Мехльхарт працягвае сваю ініцыятыву "Спяваем з Папам", апублікаваўшы новы эпізод адмысловага відэа-курса, прысвечаны велікоднай антыфоне “Regina Caeli”.
Праект мае на мэце зрабіць спадчыну грыгарыянскага харала даступнай для ўсіх як універсальную музычную і духоўную мову падчас урачыстасцей накшталт папскіх цэлебрацый. Ініцыятыва спрыяе актыўнаму і свядомаму ўдзелу ў літургіі.
Курс, які вядзе айцец Мехльхарт, – гэта кароткія і зразумелыя відэа-ролікі, якія паступова ўводзяць у розныя часткі літургіі. Раней у межах падрыхтоўкі да інаўгурацыі пантыфікату нямецкі дамініканін апублікаваў серыю кароткіх фільмаў, у якіх вучыў спяваць па-лацінску некаторыя нязменныя часткі літургіі Імшы.
Усе відэа даступныя на адмысловым , што робіць грыгарыянскі харал даступным для шырокай аўдыторыі.
У Папскім інстытуце сакральнай музыкі навучаюцца 153 студэнты з 44 краін свету.
