ር.ሊ.ጳ ሊዮ በየትኛውም ዕድሜ ላይ ብንሆን ተስፋ የደስታ ምንጭ ነው ማለታቸው ተገለጸ።
የዚህ ዝግጅት አቅራቢ መብራቱ ኃ/ጊዮርጊስ-ቫቲካን
ዘንድሮ ሐምሌ 19 ቀን የሚከበረው የአለም የአያቶች እና አረጋውያን ቀን የኢዮቤልዩ አመት በዓል ከመከበሩ በፊት - ርዕሰ ሊቃነ ጳጳሳት ሊዮ "እድሜያችን ምንም ይሁን ምን ተስፋ የማያቋርጥ የደስታ ምንጭ ነው" ሲሉ ባስተላለፉት መልእክት የገለጹ ሲሆን ጨምረውም "ይህ ተስፋ ረጅም የህይወት ዘመናችን ውስጥ ሲኖር ጥልቅ ደስታን ያመጣል" ሲሉ አክለው ገልጸዋል።
በእለቱ ባስተላለፉት መልእክት፣ ርዕሰ ሊቃነ ጳጳሳት ሊዮ እርጅናን በተመለከተ ከመጽሐፍ ቅዱስ ማመሳከሪያ አቅርበዋል፣ እንደ አብርሃም እና ሳራ፣ ዘካርያስ እና ኤልሳቤጥ እንዲሁም ሙሴ፣ በእርጅና ጊዜ የተጠሩት ሁሉም የእግዚአብሔር የማዳን እቅድ አካል ናቸው ሲሉ ገልጸዋል።
"አሁን የምናከብረው ኢዮቤልዩ ምንም ይሁን ምን ተስፋ የማያቋርጥ የደስታ ምንጭ እንደሆነ እንድንገነዘብ ይረዳናል፤ ይህ ተስፋ ረጅም ዕድሜ ባስቆጠረበት ጊዜም የደስታ ምንጭ ይሆናል"።
አረጋውያን የተስፋ ምልክቶች
በቅዱሳት መጻሕፍት ውስጥ የተዘገበው የድነት ታሪክ፣ በእግዚአብሔር ፊት፣ “እርጅና የበረከት እና የጸጋ ጊዜ ነው፣ እናም አረጋውያን… የመጀመሪያዎቹ የተስፋ ምስክሮች እንደሆኑ” ያሳያል። የቤተክርስቲያኗ እና የአለም ህይወት እንደ ትውልዶች ሲያልፍ በመመልከት ርዕሰ ሊቃነ ጳጳሳት ሊዮ አረጋውያን ምንም እንኳን የወጣቶችን ድጋፍ ቢፈልጉም፣ ለወጣቶች ልምድ ማነስ ምስክር ሆነው ሊያገለግሉ ይችላሉ፣ "መጪውን ጊዜ በጥበብ እንዲገነቡ" መርዳት ይችላሉ ብለዋል።
የአረጋውያን “ውድ ውርስ” የእምነት፣ የታማኝነት፣ የዜግነት በጎነት፣ የማህበራዊ ቁርጠኝነት እና ሌሎችም ምሳሌዎች ምንጊዜም “የምስጋና ምንጭ እና የጽናት ጥሪ” ይሆናሉ ብለዋል።
"በዚህም እግዚአብሔር በዓይኖቹ ውስጥ እርጅና የበረከት እና የጸጋ ጊዜ እንደሆነ እና አረጋውያን ለእርሱ የመጀመሪያዎቹ የተስፋ ምስክሮች እንደሆኑ ያስተምረናል"።
ለአረጋውያን ተስፋ
በዚሁ ጊዜ ርዕሰ ሊቃነ ጳጳሳት ሊዮ አረጋውያንም ተስፋ ያስፈልጋቸዋል ይላሉ። የኢዮቤልዩ በዓል በተለምዶ የነፃነት ጊዜ እንደሆነ በማስታወስ ሁሉም አረጋውያንን ለመርዳት "በተለይ ከብቸኝነት እና ከመተው" ነፃ መውጣትን እንዲረዱ ጥሪ አቅርበዋል።
ብዙውን ጊዜ በዘመናዊው ማህበረሰብ ውስጥ፣ ርዕሰ ሊቃነ ጳጳሳቱ እንደሚሉት አረጋውያን ሊገለሉ እና ሊረሱ ይችላሉ። “ከዚህ ሁኔታ አንጻር፣ በመላው ቤተክርስትያን በኩል ባለው የኃላፊነት ግምት ውስጥ በቀላሉ የሚታይ የፍጥነት ለውጥ ያስፈልጋል" ብለዋል።
እያንዳንዱ ሰበካ አረጋውያንን ለመደገፍ ተጠርቷል፣ "እንደ ተረሱ ለሚሰማቸው ሰዎች ተስፋን እና ክብርን የሚመልስ ግንኙነቶችን መፍጠር" ችሏል። በተለይ አረጋውያንን በሚመለከት የክርስቲያን ተስፋ “[የሚገባቸውን] አክብሮትና ፍቅር የሚመልስ ለውጥ ለማምጣት እንድንሠራ ያሳስበናል ብለዋል።
የተስፋ ምክንያቶች
ርዕሰ ሊቃነ ጳጳሳት ሊዮ በእርጅና ጊዜ እንኳን ሁሉም ሰው መውደድ እና መጸለይ እንደሚችል በማረጋገጥ አረጋውያን ተስፋ እንዲያደርጉ ማበረታታታቸውን ቀጥለዋል። “ለወዳጅ ዘመዶቻችን ያለን ፍቅር… ጉልበታችን ሲቀንስ አይጠፋም” ይልቁንም “ጉልበታችንን ያድሳል እናም ተስፋ እና መጽናኛ ይሰጠናል" ብለዋል።
“ምንም ችግር ሊሰርቀን የማይችል ነፃነት አለን፤ የመውደድ እና የመጸለይ ነፃነት ነው። ሁሉም ሰው ሁል ጊዜ መውደድ እና መጸለይ ይችላል" በማለት በመልእክታቸው የገለጹት ርዕሰ ሊቃነ ጳጳሳት ሊዮ እነዚህ “የተስፋ ምልክቶች”፣ “ድፍረት ይሰጡናል” እና እርጅና ቢኖረንም “ውስጣዊ ማንነታችን” ያለማቋረጥ እንደሚታደስ ያስታውሰናል ብለዋል።
“በተለይም እያደግን ስንሄድ በጌታ በመታመን ወደ ፊት እንግፋ” ብለዋል፣ በጸሎት እና በየቀኑ ቅዳሴና "ለብዙ አመታት የኖርነውን እምነት በፍቅር እናስተላልፍ"፣ ያለማቋረጥ እግዚአብሔርን እያመሰገንን እና በሰዎች መካከል አንድነትን በማጎልበት መኖር ይኖርብናል ሲሉ በመልእክታቸው የገለጹት ርዕሰ ሊቃነ ጳጳሳት ሊዮ “በዚህ መንገድ ዕድሜያችን ምንም ይሁን ምን የተስፋ ምልክቶች እንሆናለን” በማለት ደምድመዋል።