ለርዕሠ ሊቃነ ጳጳሳት ፍራንችስኮስ በብፁዕ ካርዲናል ታግሌ የተመራው የመቁጠሪያ ጸሎት ተደረገ!
ፊሊፒናዊ ካርዲናል ሉዊስ አንቶኒዮ ጎኪም ታግሌ ሐሙስ ሚያዝያ 16/2017 ዓ.ም ምሽት ላይ በቅድስት ማርያም ሜጀር ባዚሊካ ለርዕሠ ሊቃነ ጳጳሳት ፍራንችስኮስ መታሰቢያ የአራተኛውን ቀን የመቁጠሪያ ጸሎት መርተዋል።
የዚህ ዝግጅት አቅራቢ መብራቱ ኃ/ጊዮርጊስ-ቫቲካን
ብፁዕ ካርዲናል ሉዊስ አንቶኒዮ ታግሌ አራተኛውን ምሽት የመቁጠሪያ ጸሎት መርተው ርዕሠ ሊቃነ ጳጳሳትን ፍራንችስኮስን ሐሙስ ምሽት ሚያዝያ 16/2017 ዓ.ም በጸሎት አስበዋል። ጸሎቱ በድጋሚ የተካሄደው ቅዳሜ ሚያዝያ 18/2017 ዓ.ም የቀብር ሥነ ሥርዓቱ ከመፈጸሙ በፊት ርዕሰ ሊቃነ ጳጳሳት ፍራንችስኮስ በሚቀርቡበት በቅድስት ማርያም ሜጀር የጳጳስ ባዚሊካ ውስጥ ነበረ የተከናወነው።
ብፁዕ ካርዲናል ታግሌ የመቁጠሪያ ጸሎት ከመምራታቸው በፊት ባደረጉት የመግቢያ ንግግር ከሕማማቱ ክስተቶች በኋላ ኢየሱስ በደቀ መዛሙርቱ መካከል ሲገለጥ "ለምን ፈራችሁ? በልባችሁስ ለምን ጥያቄዎች ይነሳሉ?" የሚለውን ኢየሱስ ለደቀ-መዛሙርቱ የተናግረውን ቃል አስታውሰዋል።
ኢየሱስ ያበረታታቸው ከመሆኑም ሌላ ቅዱሳን ጽሑፎችን “ከሞት ፍርሃት ነፃ ለማውጣት” አስቦ በማብራራት ልባቸውን እንዲከፍት ረድቷል ሲሉ ካርዲናል ታግሌ ተናግረዋል።
“ጌታና ጌታ የመጣው ሕይወትን ሊሰጠን፣ ፍጻሜ የሌለውን ሕይወት ሊሰጠን ስለሆነ እነዚህ የተነሣው የክርስቶስ ቃላት ለእያንዳንዳችን የተነገሩ ናቸው” ብሏል።
በማጠቃለያው ብፁዕ ካርዲናል ታግሌ ምእመናንን “ለምንወዳቸው ቅዱስ አባታችን ፍራንችስኮስ ርኅራኄ ቅድስተ ቅዱሳን ማርያም "ሰሉስ ፖፑሊ ሮማኒ" (የሮም ሕዝብ ጠባቂ) አደራ በመስጠት እንጸልይላቸው” እና ማርያም “የገነት ደጅ ታስከፍትላቸው ዘንድ እንጸልይ” በማለት ምእመናንን አበረታተዋል።