Walinzi wa Kipapa wa Uswisi watawakumbuka walinzi 147 waliokufa kishujaa!
Vatican News
Kunako tarehe 6 Mei 2025, Walinzi wa Kipapa wa Uswisi watawakumbuka walinzi 147 waliokufa kishujaa kile kilichotwa vita ya Gunia ya Roma mnamo mwaka 1527 wakimtetea Baba Mtakatifu, Papa Clement VII. Sherehe hiyo itafanyika katika ua la heshima la Kambi ya Walinzi, katika mazingira ya faragha kabisa. Maadhimisho hayo yataanza saa 5 asubuhi kwa kuweka shada la maua mbele ya mnara wa vita uliopo ndani ya kambi hiyo. Hii itafuatiwa na hotuba ya Kamanda wa Walinzi wa Kipapa wa Uswisi, Kanali Christoph Graf. Katika wakati huu wa tafakari, Walinzi wa Kipapa wa Uswisi watatoa heshima kwa watangulizi wao waliojitolea maisha yao kwa ajili ya kumlinda Baba Mtakatifu.
Katika kile walichokiita gunia la Roma yaani kuvamiwa kwa Roma ilikuwa na matokeo mabaya, katika suala la uharibifu kwa watu na urithi wa kisanii. Takriban wananchi 20,000 waliuawa, 10,000 walikimbia, 30,000 walikufa kutokana na tauni iliyoletwa na lanzichenecchi. Hawa walikuwa ni Milki ya Wajerumani, ikishirikiana na Wahispania ambao hawakuweza kushinda Gonzaga wa Mantua, walituma jeshi kwenda Italia lililokuwa na askari wa kukodishwa kwa kiasi kikubwa, waitwao Lanzichenecchi, ambao, katika sehemu zote walizopitia, walifanya uporaji wa jeuri na uharibifu mkubwa na wakawa wabebaji wa tauni. Papa Clement VII, ambaye alikimbilia “Castel Sant'Angelo”, yaani nyumba ya kifalme, huku Walinzi wengi wa Uswizi wakiuawa kinyama, ilibidi alipe watawala fidia ya gharama kubwa ili kuachiliwa. Lanzichenecchi, wenye imani kubwa ya Kiprotestanti, pia walihuishwa na ukereketwa wa kupinga Papa na waliwajibika kwa ukatili mkubwa zaidi dhidi ya wanaume na wanawake watawa na wakati huo huo kwa uharibifu wa mahali pa ibada.
